كتبت : زينب إبراهيم” شاعرة الأمل ”
تيجي نروح سوا البحر
ونسهر للصبح مع القمر
ونحكي للنجوم أسرارنا
ونشوف سوا شمسنا
لما تطلع وتنور حياتنا
وكل شبر من قلوبنا
تجي نحكي للبحر قصصنا
ونقوله على أبطال روايتنا
اللى ماليها الأمل ويا حبنا
أنت شايف بعد السما ونجومها
ياه شبه بعد الطرقات بنا
بس قلوبنا أقرب من كدا
تيجي نسمع كلام عيونا
تيجي نغني أشواق قلوبنا
تيجي نرسم خطوط طريقنا
ونعزف ألحان وموسيقي نبضنا
ولا نسكت ونسيب الكلام لزمانا
يرسم هو وينسج أحلام ليلنا
نسأل سؤال فراقنا وحزننا
وياترى هنلاقي في يوم إجابتنا
ولا الأيام هتلعب علينا لعبتها
نوقع إحنا في شبكة خطوطها
ولا عارفين نخرج ولا طريقنا
عارفين ليه نهاية من بدايتنا
اللى طويلة مفتوح ليها سكتنا
وماشين مع الزمان واحنا آمالنا
في الله كبير نلاقي يوم نفسنا
ونفرح من كل قلوبنا فرحتنا
اللى هتبقي على الزمن بينا
ونكتب من تاني أسامينا
على خطوط رمال البحر وعيونها
يرجع ليها من تاني لمعانها وحبنا
انتصر على كل مخاوفنا وأعدائنا
اللى شافوا الفرحة كتيرة علينا
وقالوا مش هتكمل برضو قصتنا
والفراق هتبقي عادي هي نهايتنا
ورجعنا اقوى من الأول وشفنا
فرحة قلوبنا وحياتنا وليهم ردينا
حبنا قوي على مر الزمان وقلوبنا
مربوطة ببعض طول أيامنا وحياتنا
المزيد
مقام القلم بقلم د. عبير عبد المجيد الخبيري
على أطلال الضمير بقلم الشاعر المهندس أحمد علي سمعول
جبل المعجزات بقلم د. عبير عبد المجيد الخبيري