كتب:منتصر محمد
في الغربه يا امي حجات كتير جوايه ماتت
روحي وسط زحام الكون مني خلاص تاهت
وحتي حبيبتي كمان خلاص سابتني وراحت
ملعونة كل المسافات
كل الي حب اتظلم_كل الي حب اتوهم
والي يفارق حبيبه كأنو طيف ومات
الحب اصبح سراب
منفي في وطن كداب
بنتجمع فيه احباب
وبنرحل عنه اغراب
وياما فيه ناس كتير فارقت بدون اسباب
وناس كتير رحلت كانو لنا احباب
الحب زي القبر ولازمله الف حساب
وعشان تعدي وتنجي وتعيش كمان في الجنه
لازم تكون راجل توفي ومش كداب
القلوب مش لعبه في ادينا
علشان نعلقها وبعدين نسيبها خراب
انا كنت ليها وطن…ملجأ في وقت المحن
حبيتها بكل جوارحي وفؤادي
وعنيا لغيرها ما شافت
جرحت قلبي وفؤادي ولا اختشت ولا خافت
سألتها جاوبتني عادي
ما فيه ناس كتير فارقت وسابت
سكت ما رضيتش اذود في الكلام
اصل الكلام سعات بيوجع
فجأه لقيت عنيا لوحدها بتدمع
قلتلها عادي عاوزه تمشي وتسبيني
بس قبلها لحظه واسمعيني
بتكلم طبعا والدموع نازله من عيني
بس قبل ما تمشي رجعي عمري وسنيني
رجعي كل الاماكن والقصايد والشوارع او حنيني
رجعي حلمي الي ضاع لحظة وداع
او رجعيلي حياتي من جديد
طفل كان مولود سعيد وقلبه لسه اخضر
كنت بعشق الالوان او اي منظر
رجعي قلبي الي حبك ولا بغيرك اتأثر
رجعتهولي ومشيت ولاكنو كان
يا ناس قلب متكسر
المزيد
ظننتني أكسر بقلم ملك برهان
رثاء العلّامة المحدِّث أ.د / أحمد عمر هاشم بقلم: امل اسماعيل احمد احمد
يـا مـن سـكـنـتَ الـقـلـبَ عـشـقًا نـافـذًا بقلم أحمد علي سمعول