كتبت:زينب إبراهيم
بقولك ايه يا رايق
بلاش جو الحرائق
وتعصب نفسك ليل ونهار
وتدخل نفسك في الإنهيار
عش اللى جاي من حياتك
وانت مبسوط وسعادتك
اهم حاجه مع روقانك
ولا تنزل دموع عينيك
على حاجه ماتستهلش ولا حد
خلي الحزن دا عنك بعيد
اوعي يوم يقرب منك ابدا
خلي ابتسامتك في وجهك دوما
ماتخليش حاجه تعكر المزاج
روح طلع العربية من الجراج
واتفسح وعيش الحياة مرة
اوعي تخلي حياتك مـــره
السعادة ليها اصول مترتبة
وأنت ليك منها نصيب وبزيادة
اوعي تشرب القهوة غير زيادة
شوف الحياة بشكل تاني
اضحك كل دقيقة عادي
وتكشر ده مستحيل فاهم
اذا مالقيتش طريق الإهتمام
أرسمه انت في طريقك ماشي
ولا تقول على حاجه أنه عادي
مش عادي انك تكشر وتشيل الهم
ولا تشوف كل حاجه فيها الغم
ده أنت أساس جمال الإبتسامة
ومخصوصه ليك الحاجة الجميلة
مش مجاملة أو حتى معاكسة
هي اصلا لكل البشر السعادة
بس فيه اللى شايل كل حاجة
فوق دماغه ومكبر كل الحكاية
وهي في البداية والنهاية بسيطة
كل مشكلة وليها ألف حل وحل
ليه أنت شايل همها مش تستاهل
أنك تشيل فوق دماغك الويل
عارف أنت لما ترمي كل حاجه
على ربنا هتتحل بس اتوكل عليه
ارمي حمولك على ربك وقول يارب
عارف هو كل حالك وحال القلب
اللى شال من الدنيا كتير وصابر
عشان عارف أنه ليه رب الجابر
لقلبه ولكل حياته الجاية كمان
واللى فاتت عشان السنين
جابت عليك كتير يا مان
بس دوام الحال من المحال
وبكره ربنا يصلح لك الحال
بس اوعي في يوم تيأس ابدا
ولا تقول انها خلاص قفلت دائما
مفيش حاجه بعيد عن ربنا
المطلع على كل قلوبنا وحياتنا
عارف معني ايه السعادة
طب ايه هي اصلا الحياة
مع ربك وبس تلاقي الفرحة
طب عارف ايه هي البهجة
هي من معاني السعادة
وطريق ليها واحد وهو الله
أيوة كون معاه دوما وحده
اللى قادر يغير كل شيء في لحظة
وأقل منها كمان في ثانية
هنشوف السعادة في كل دقيقة .
المزيد
عهد الصداقة الأبدي بقلم رحمة صديق عباس
سندي فى الدنيا بقلم د. عبير عبد المجيد الخبيري
رحيل : بقلم: سعاد الصادق