أناني

كتبت:زينب إبراهيم 

 

ليه أنت يا حبيبي أناني

اختارت الفراق والبعد عني

قولت أفارق ما هو عادي

بس نسيت اللى يمشي

مش بيرجع مرة تاني

اختارت انك تكون بعيد

بس اوعي ترجع من جديد

عشان قلبي مش هيختارك

ولا هيتأثر مرة تانية بعيونك

ولا سحرها ولا دقة قلبك

مرة زمان أنا قولت بحبك

إحنا كنا سوا من البداية

ليه بعدنا في النهايــة

إحنا كانت بينا قصة جميلة

وكنا أبطال كل الرواية

بس فجأة بقينا أعداء

بعد ما كنا يا حبيبي أقرباء

رجع الزمن بينا وبقينا غرباء

فاكر كنا بنقول إحنا أقوياء

بس في الآخر طلعنا جبناء

عشان ما عرفتش تحفظ الوعد

وأنا مشيت معاك بدور العند

وادي النهاية وصلنا لخط البعد

وبليل في السماء بشوف الرعد

وأقول لنفسي هيحن تاني

طب هنرجع ولا هيهون عادى

كل قصة حب كانت بينا

كل دقة قلب من قلوبنا

كانت بتقول وتحلف على البقاء

وجه الوقت اللى نطق القضاء

وقال كلمته وكانت هي الإنتهاء

فكرت قلبي هيبقي من النبلاء

ويمسك فيه ويقول أنت نبضي

بس عمره ما نسي كل حزني

ويا دمعة نازلة من عنيا وجعي

منه كل كلمة قاسية جرحتني

أنا اللى أول مرة قولت لا

مش هارجع لعيونه تاني لا

ولا هاسمح لنفسي أضعف لقلبه

ويا ضحكة عيونه وسحره

اللى بيدوب قلبي تاني فيه

هو الحب تجرح في يوم حبيبك

وتبكي في لحظه عيون عشقتك

باعت الدنيا وكانت باقية عليك

وماشفتش غير قسوة منك

وهي كانت بتخاف النسمة عليك

نسيت في دقيقة كل لحظة حب

طب نسيت ضحكتي من القلب

انا كنت طالبة بس منك الإهتمام

وأنت جيت عليا بكل معاني اللوم

وأنا نسيت طعم الفرحة والنوم

ومع زعلي مابقيتش عارف الأيام

هو النهارده السبت ولا الأحد

بقيت معزولة عن أي حد

بشوف الناس من بعيد

وافكر أرجع تاني من جديد

للناس والعشرة افتكر الجحود

اللى مالى قلبك بسبب البعاد

تعرف البنت بتحب إيه

هي بتشتاق للى بتحب ليه

هي بتعمل كل حاجه تفرحه

ويكفي أنها تشوف ضحكته

وكل ده وهو ناسي فضلها

وفضل عليها واحده غيرها

ولا شوف في يوم جمالها

ولا حتي بقا يشوف ضحكتها

وده كله ليه عشان أناني

حب نفسه أما هي لا عادي

تزعل وإيه يعني فترة وتعدي

بس مش عارف أنها هتقسي

وكل لحظة حب جمعتهم هتنسى

القسوة محت كل حاجة حلوة

بقت في ثانية إتحولت مره

وياريت كل ده فارق معاه

ده ولا حتي بيجي في باله

يسأل نفسه هي زعلانه

ولا حتي فرحانه ومبسوطه

نسي إنه في يوم كانت فرحته

لما يشوف ضحكة عيونها

ولما تتعب هي بتكون دواه

وهو كان سبب كل دمعه عيونها

وهي تسهر باليالي عشان تعبه

ويرجع يقول إن كل ده عادي