شعر: شاهندا ياسر
وجع في القلب يهد جبال
ودموع محبوسه والسد تلال
والقلب بيبكي من الخذلان
والعين غيوم نفسها تتزال
والقلب صوته مسمع ليا
يقول لها إبكي جوايا زلزال
من حزن وألم وفراق
من شوق وعناد مختال
إبكي وشيلي حبه عني
بُكايا دم وبكاكي أمطار
شيلي حبه من جروحي
كتمانك جوايا إعصار
سألته قولي إزاي أنا أبكي
دا دمعي إتجمد عمى الأبصار
قولي بس إزاي أنا أشكي
والشكوه دي مني دمار
مين اللي قال دموعي أمطار
دموعي بركان أنهار من نار
دا الحزن جوايا مجبور
والكسر مني أنا مسرور
جبرت الحزن إديتله قلبي
وكل واحد جبره بالدور
أولهم صحاب بالكدب
على قلبي خلوا مجبور
جبروا الحزن بكُبره فيا
وقالوا له عيش إنت الدور
قالوا له هنجبر فيك
والمقابل ميشوفش النور
خلي الوحده جوا منه
خلي فؤاده علطول مكسور
روحت للحب أشكيله منهم
لقيته بيدمع ومش مسرور
لقيت سكاكين ماليه ضهره
بقيت أشيلهم بعيد بقلبي
وقلبي ينزف دم منهم
واقول إنزف فداه لروحي
جرحي أهون من جروحه
شلت السكاكين وزاد جروحي
لما قالي بره إمشي
أنا ناقص جروح ل روحي
بصيتله بدون كلام
وشِلت جوايا خذلان
قولت لعيني يلا إبكي
قالتلي حزنك كسبان
قولتله بالله يا دمعي
معدتش قادره على الكتمان
قال الخذلان بالنسبه ليا
مش مشاعر ولا أحزان
الخذلان بالنسبه ليا
سد قوي في البنيه والبنيان
إبكي يا قلبي دم دم
أهو أحسن من الكتمان
إبكي يا قلبي كمان وكمان
قول للناس نتيجة الخذلان
ياللي بتخذل روح إنسان
خاف من ربك المنان
دا عذابه أليم شَديد
خذلانك سيف يابني حديد
تكسر ليه بيه روح إنسان
ليه عليه تقوي إيدك
ضُمه لقلبك جوا وريدك
اوعى تكسر روح بإيدك
اوعى تهين وتِخذل كمان
ياللي إتخذلت على عميان
هَدي قلبك م البكيان
ثق في ربك حس بأمان
هيعوضك بكل حنان
لولا الخذلان مكنتش عرفت
معدن إنسان مهوش إنسان
أو صاحب وحبيب جبان
إحمد ربك عوضه كبير
هيعوضك بكل حنان
وبإذنه يقوي البنيان
المزيد
مقام القلم بقلم د. عبير عبد المجيد الخبيري
على أطلال الضمير بقلم الشاعر المهندس أحمد علي سمعول
جبل المعجزات بقلم د. عبير عبد المجيد الخبيري