يوم رحيلك

كتبت: زينب إبراهيم ” شاعرة الأمل” 

 

من كام يوم كان صدمة كبيرة 

ماشفتش عقلي من مدة بعيدة 

راح معاك وسبني كده بسهولة 

ده حتى قلبي اللى مات بدقيقة 

يوم رحيلك كان صدمة للكل 

يقولو ده مش صح مستحيل 

بكيت عيوني عليك بالدم 

ولا قدرت أفكر حتى الكلام 

مني خلص مابقتش عارفه أنام 

نفسي اشوفك مرة في الأحلام 

بقيت عايشه في كابوس 

مش راضي يخلص من الأساس 

وحشتني أوى يا حبة عيني 

ووحشتني حنية قلبك علي 

نظرة واحدة من عيونك 

كفيلة تمسح قسوة دنياي 

يا حبيبي هي بلسم كلامك

بيشفي وجع ساكن بروحي 

بنسى همي لما أشوفك

بعيونك بشوف ضحكتي 

دلوقتي لما اشوفك لآخر مرة 

حياتي كلها اتحولت لحاجه مره 

عاوزه احضنك مرة واحدة 

عاوزه أرجع تاني سعيدة 

لما بشوفك بكون قوية 

بعرف أن حنيتك سند وحماية 

عاوزني ابقي كويسة لما تبعد 

شوفتك آخر مرة من بعيد 

راحت معاك روحي يا غالي 

وقلبي ليك عمره ما يكون ناسي 

عشان عارف أنه معاك باقي 

حتى وأنت بعيد عنه سامي 

شايف حنيتك في كل ذكرى 

وليك في القلب شوق وهوى 

بحبك يا اللى ملكت قلبي 

وكل نظرة منك ويا كلامك 

هيكون معايا ومش هانسى 

أنا لآخر مرة شفت روحك 

كانت محاوطه روحي بطمني

وتمسح كل دمعة من عيوني 

وتقولي أنا معاكِ يا حبيبتي

وبكرة معادنا في الجنة عشاني 

هتقدري تصبري وتكوني قوية 

ده قضاء ربنا اللى كتبه صابرة 

هتكوني في كل وقت ودعوة 

منك ليا في كل وقت بالرحمة 

وتقرأي ليا كمان سورة الفاتحة

براحتي ورحمة ربنا ليا فرحانة 

ماتزعليش دلوقتي والجنة 

هتكون لقاءنا دي حاجة أكيدة 

ومفيش هناك فراق ولا مرة 

ونشوف مجتمعين كل الأحبة .