كتبت:أسماء سامح
يللي شايله حملنا على كف ايدك
شلتي كل هموم ولادك فوق دماغك
قولتي رغم الحزن عن ابنك وريدك
قومتي زي كل يوم الصبح بدري
صحتينا بالزعيق وف كل مره
كنا نتخانق معاكي العيشه مره
رغم انه الحزن جواكي بيسري
قولتي يبني لسه بدري
كنت ازيد عند وغرور
كنت أطنش كل حاجه
وانتي وحدك اللي
بتمشي الأمور
تطبخيلي اكله حلوه
وانتي بتغنيلي غنوه
“الحياه بقا لونها وردي
أنا جنبك وانت جنبي”
كنت بتضحكلك وأقول
الحياة دي لون ولون
يوم بتبقا بلون رمادي
ويوم بيسود الرماد
انتي وحدك ياما حلوه
وسط دنيا من السواد
اعذريني لو جرحتك يمّا يوم
اعذريني اني زودت الهموم
واسمحيلي م النهارده يمّا أكون
كتف ساند مش هعاند
اسمحيلي احفر ف قلبك سرور
المزيد
مقام القلم بقلم د. عبير عبد المجيد الخبيري
على أطلال الضمير بقلم الشاعر المهندس أحمد علي سمعول
جبل المعجزات بقلم د. عبير عبد المجيد الخبيري