بقلم/احمد هارون
صاحب القلم الصغير
كنت دايمًا بسأل نفسي
ليه بنحب اللي بيعذبنا
ليه بنخاف نفرّط في حد حتى لو تعبنا معاه
واكتشفت إن القلوب أحيانًا بتختار وجعها
لأنها مش لاقية أمان غير في حضنه
حتى لو الحضن ده مكسور
إنتَ ما كنتش مجرد شخص في حياتي،
كنتّ وطن وأنا كنت الغريب اللي لقى فيك عنوانه،
كنتّ الدفا ف عز البرد،
والسكون لما الدنيا تصرخ في وشي،
بس كنتّ برضو الجرح اللي كل ما يطيب… تفتحه بكلمة
ضحكتك كانت بتحيي يومي،
ونظرتك كانت كأنها بتطبطب على روحي،
بس سكوتك كان بيقتلني،
كنت بسمع فيه كل الكلام اللي ما اتقالش،
وكنت بوجع منه أكتر من أي صرخة
أنا مش ندمان إني حبيتك،
ولا زعلان إني تعبت،
أنا بس مستغرب من قلبي…
إزاي لسه بيدقّ على بابك،
وإنت ما سكنتهش يوم… رغم إنه كان وطنك.
بمحبه وتقدير
المزيد
نشيد النصر بقلم عبير عبد المجيد الخبيري
بخير بقلم الكاتب هانى الميهى
يومَ عاشوراءَ جئتَ مُبشِّرًا بقلم أماني منتصر السيد