لــِ الشاعرة: إيمان نبيل الوكيل “يقين”
نصيبي اكون كتيرة شكوى
نصيبي اكون كمان بكايه
وبغرق جوة شبر هموم
ومعرفش الهروبة ازاي
نصيبي اطيح
نصيبي أصيح
وعادي مخافش م التوضيح
وعادي اقلل المجازات
وأفضح حزني ف التصريح
مليش ف حياة بتشغي هدوء
مليش ف حياة تُعاش بالذوق
انا آخر خيار لصديق
بيبقى حزين ونفسه يروق
فمش منطق تكون جنبي
وتفضل كل يوم سائل
فضلت اصبر عليك تيأس
وانت فضلت متفائل
وجودك جنبي يتاقل
بكل الحلو ف حياتي
بكل الطبطبة الحاضرة
وشهدت كل خبطاتي
فسبحان اللي خالق ناس
يحسوا بناس نسوها الناس
وباعت حلوهم متقاس
على مقاس الجراح والضرب
ولما يضيق علينا الكرب
ونبقى لا حول ولا قوة
بيدي لعبد من طرفه
بصيرة يشوفنا من جوة
المزيد
قبل أن يمضي الوقت بقلم الكاتبة بثينة الصادق أحمد (عاصي)
فخ الدوبامين بقلم نورهان راضي كحله
تشتت العقل حين صار العالم كلُّه في شاشة بقلم أمل أسماعيل أحمد