مين الراجل اللي الست بتحبه؟ – الكاتبة إسلام محمد

(مين الراجل اللي الستات كلها بتحبه؟)
بقلم الدكتورة/إسلام محمد
استشاريه الصحه النفسيه والإرشاد الاسري والزواجي ودكتوراه في التنميه البشريه وتطوير الذات وصاحبه كتاب البحث عن الذات

-قد تظن أنّ النساء يُحببن الرجل الغني، أو الوسيم، أو صاحب النفوذ. لكن الحقيقة مختلفة تمامًا. فهناك نوع من الرجال يجذب كل النساء، مهما اختلفت أعمارهنّ أو خلفياتهنّ. إنه الرجل الذي “يُشعِرها بأنها امرأة… ويعاملها كإنسانة”.

-الست بتحب الراجل اللي يسمعها مش بس بأذنه، لكن بقلبه. اللي لما تحكي، ما يقاطعهاش، وما يقللش من كلامها، حتى لو كان بسيط. تحب الراجل اللي يحترم عقلها، ويقدّر مشاعرها، ويشوف فيها أكتر من شكل خارجي أو دور تقليدي.

-تحب الراجل اللي واثق في نفسه، مش مغرور. اللي عنده كاريزما بدون ما يتكلم كتير. واللي وجوده يدي أمان، مش توتر. تحب اللي لما يغضب، يهدأ، مش يجرح. واللي يعرف يحتويها في لحظة ضعف، ويشجّعها وقت ما تنهار.

-الست بتحب الراجل اللي يحن، واللي يعرف يضحّكها وهي زعلانة. اللي بيكون معاها في الضلمة قبل النور. واللي مهما الدنيا لفت، بيكون سند مش عبء، وأمان مش تهديد.

مش لازم يكون غني، ولا فخم، ولا مشهور. لكن لازم يكون “راجل” بمعنى الكلمة. راجل في احترامه، في حنيّته، في ضهره وسُنده.

-هذا هو الرجل الذي تُحبه كل النساء… مش لأنه كامل، لكن لأنه صادق، وإنساني، وراجل بجد…