ليلى

شعر: سعاد أيمن

 

هبت رياح الفُرقه بِتروي

تعلن غياب الشمس في عيونها

الليل بدونها أتقل من حمول الدنيا على كتافي

الليل يا ليلى عَدْاكِ في غيابي

خايف

خايف من الليالي ليعدوا بينا رمش واقع

خايف من الهوا يخبط جفونك تستحي

الخوف يا ليلى عجزني في غيابك

قيد ايديا وقال فك ضفاير قلبها المتساب

عيط دموع الغربة في عينيها وغني السكات

لسه الحنين هيغلبك أوقات

تحس بطيفها وضحكها الساكن

لسه هواها بيشبه النسمات

قلبك يهزه صدى صوتها

عيونك الدايبة تشهد أنها أوهام

ياريتك كنتِ فرحة أو ضحكة يومين وتخف

أو حزن متفصل خطوط في اللبس

ياريتك أفقر من الدنيا أشوفك بس

عيل فى حُبِك، عيل بس

أنا توهت كام مرة

وتوبت كام مرة

ولسه برضو

متشعلق ف عيونك السمرا