لسه جوايا

كتبت: أمل سامح 

أنت ما تعرفش أنك لسه جوايا ؟

وكل يوم في الحلم روحك معايا

وإني لسه بفكر فيك

وجوايا حاجة بتنادي عليك

ما تعرفش إني لسه بغير؟

وعقلي واقف من التفكير

مش قادرة أتأقلم على بعدك

ولا أكمل عمري من بعدك

ما بقتش عارفه أشوف غيرك

ولا قادره أتنازل وارجع لك

بعاقب نفسي عشان شايفاك

ومش قادره أكمل عمري معاك

ولا أرجع تاني أكون وياك

جوايا كلام هيطول شرحه

يا أمل عمري وسنين فرحه