كلمة نعم

كتبت : زينب إبراهيم ” شاعرة الأمل ” 

كلمة نعم لما تتقال 

كل حاجة بيها تتشال

وأي زعل كان مستحيل 

دلوقتي بقا عادي سهل 

لما أنت تبعت الرسائل 

تنتهي بسهولة المشاكل 

ويروح معاها الحزن 

اللى كان مالى كل مكان 

والكشرة مالية كل الوشوش 

لكن خلاص انتهت مفيش 

أي حاجة تعكر البال والقلب 

بقا مرتاح لما من تاني الحب 

جه وشاف الحياة مرة تانية 

ومابقاش فيه حاجة مستاهلة 

إننا نزعل من بعض لو ثانية 

وقت ماكنا مانحملش الكلمة 

دلوقتي طلعت الضحكة الصافية 

اللى من القلب توصل لينا 

وكل حاجة بقت جميلة بينا

والفرح دق من تاني بابنا 

وعرفنا طريق لسعادتنا 

بعد ما كان مخيم حزننا 

على كل حاجة في حياتنا 

كلمة نعم كلمة حلوة مننا 

لكن كلمة لا وحشة في حقنا 

لما تتقال بين أخواتنا وحبايبنا

تدخل الشيطان ما بين قلوبنا 

وتخلي الأخ مايشوفش أخوه

ولا الجار يسلم على جاره 

والصاحب يشيل من صاحبه 

اللى كان شايله في عيونه 

وقت تعبه وكمان وقت حزنه 

تخلي الإنسان ينكسف يطلب مساعده

عشان عارف الرد هيكون رفضه 

ليه نخلي في قاموسنا الكلمة 

اللى تزعلنا من بعضنا مش فارقه

حد يزعل من حد تطلع الكلمة 

ومش ببص على أي حاجة تانية 

لا إحراجه في بيتي ولا دموعه 

اللى محبوسه عشان خذلته 

وماوقفتش جنبه في لحظة 

ماكان هو محتاجني ليه 

هي كلمة نعم صعبة للدرجة 

ولما ماتقدرش أنك تقوله 

قوله نعم وساهلة كل حاجة 

تتقضي لما تجبر بخاطره 

وتسعد قلبه حتى لو بكلمة .