كدابة دنيتنا … شعر خالد عبد العظيم عويس
كدابة دنيتنا
وعلى أد مابتكدب
غمضنا ياما عنينا
وصدقنا كدبتها
ومشينا وسط سراب
نحلم بفرحتنا
عايشين أمل كداب
وبرضوو بنصدق
بنحلم كتير لكن
الخوف جوانا ساكن
وكل حلم نعيشه
عمره مايتحقق
وفي وهم سكتنا
قابلنا ياما كتير
وحلمنا حلم كبير
لكن في كل نهاية
برضوو مفيش تغيير
حلم العمر اللي عيشته
لقيته وهم كبير
دخان ومن غير نار
بين السحاب بيطير
على عيني ياعيني
تشوفي فرح الدنيا
وسعد أيامي
بس في أحلامي
وفجأة تصحي ياعيني
على جرحي وآلامي
وكأني جيت للدنيا
بس عشان أحلم
زي الطير الحزين
يحلم يلف الدنيا
فرحان بجناحاته
يوصل للسما في ثانية
يتهنى بحياته
لكن ده حلم كبير
بس الحقيقة إنه
محبوس في قفص حديد
حزين ده زي حالاتي
لاعمري شفت الفرحة
ولا عدا عليا عيد
هو كمان مسكين
لا يوم هيعيش حياته
ولا ليها لازمة جناحاته
عايش حياته في حلم كبير
لكن حقيقته ده زي حقيقتي
لاعمري شفت الفرحة
ولا هو في يوم هيطير
المزيد
مقام القلم بقلم د. عبير عبد المجيد الخبيري
على أطلال الضمير بقلم الشاعر المهندس أحمد علي سمعول
جبل المعجزات بقلم د. عبير عبد المجيد الخبيري