كتبت: زينب إبراهيم.
بيني وبينك قصة طويلة
بديتها خناقة وآخرها حب
إتولدت مابينا قصة جميلة
بين قلبين واحد عشق والتاني داب
في حب عيون خاطفه الروح
ومن قبلها قلبه اللى صابه السهم
من أول مرة شافته وقلبي راح
في دوامة الغرام في عالم الأحلام
مع ولادة حب جديد في قلبين
أتقلبت كل حاجة وحتى القلوب
بقا المكان مش هو حتى الزمان
عشان دخلوا دوامة الحب
اللى ملهاش نهاية من بداية
حبت قلبه اللى إحتواها
وهو حب الحنان اللى في عيونها
والعهد هو اللى زين الحب ده
مع بعض يمشوا في طريقهم
ولا حاجه توقفهم ولا ايه
إحنا إتوعدنا والوعد على الحر
دين عليه مهما يطول الوقت
في أوقات الحلو قبل المر
في الحارات قبل الطرقات
اللى يشوفهم يقول دول عشاق
عصافير بتغرد على الشجر
أتكتب أسمهم مع قيس وليلى
بحبات الندي إنكتب على الشجر
قلبين سوا يعيشوا لآخر العمر وليلي
ما يكمل إلا بصوتك يا حبيبتي
وقت الخناق وقت الكلام
هم الحب جمعهم وروحي
بتشوف طيفك معاها في كل مكان
أروحه أنتي معايا يا ترى إيه حصل
عملتي إيه في قلبي اللى داب في حبك
حبيبي اللى كان واللى حصل
حاجه ولا في الخيال يا قمر
في السما عالي وفي قلبي
غالي وفي روحي سامي يا مقر
بيتي و دفايا من البرد والشتاء
يا نجم في السما عالي يا فضاء
كل مجراتي وكل كواكبي يا روح
ساكنه جوايا وليك في قلبي أنا
مكان مش يدخله حد غيرك
يا حلو حياتي وكل منايا
في وجهي مرسومه ضحكتك
يا كلمة حلوة تزين عالمنا
كلمة بحبك أقل مايتقال
على وصف اللي في قلبي ليك
مش كفايه كلمة عشق تتقال
اللي بيني وبينك عدى الحدود
قصة عشق أتولدت من هنا لحد الخلود
المزيد
أنفاس جديدة بقلم ميليا عبدالكربم
عهد الصداقة الأبدي بقلم رحمة صديق عباس
سندي فى الدنيا بقلم د. عبير عبد المجيد الخبيري