قسوة المحب

كتبت : زينب إبراهيم ” شاعرة الأمل” 

 

ليه يا حياة قلبك قاسي علي

وأقرب ما ليا مش بيشوفوا دموعي

ويا كل تعبي ونزيف قلبي

مش بيفرق معاهم خوفي

ولا حتى بتقف ذكرياتي

آه اتشالت من القلوب الرحمة

وبقت مكانها ماليانه القسوة

ونظراتهم بقت كلها حدة

تقتل من نظرة واحدة

وأنا لسه عايشه في المعاناة

في حرب معاهم كل شوية

مش عاوزه الكره يتملك مني

ولا تملأ القسوة قلبي وروحي

الكره سواد هايقتل قلبي

مش هايجي في يوم ويحي

تعبت من كل ده يا ربي

لا عارفه أحبهم ولا أكرهم

ولا أعيش حتى من غيرهم

هم أقرب ما ليا ومن غيرهم

قلبي كان ماليان حب ليهم

ليه كل ده حصل قلوبهم

كانت ماليانه حنية وحبهم

بيملى حياتي وفي عيونهم

كنت بشوف الدنيا حلوة معاهم

حياتي كانت أحلى عشانهم

كنت بعدى كل كلامهم ويا نظراتهم

عشان ما أبعدش وابقي من تاني لوحدى

دلوقتي رجعت يا ربي وحيدة وقلبي

مات لما شفت الدم بينزف مني

وهم ما رمشي ليهم جفن تجاهي

للدرجة دي الحب مات جواهم لي

ويا كل ذرة حنية والحلو بقا عذابي

اللى هاشوفه منهم من دلوقتي لحد موتي .