كتبت:زينب إبراهيم
قالو عنك ملاك
وأنت في الأصل هلاك
قالو عنك رمز الحنان
وأخرك طريق الجنون
دقت معك مر السنين
وأنت فيك قسوة الزمان
قالو عنك سوبر مان
وأنت أقسى من السكين
قالو عنك ماليان حنية
وأنت أساس لكل القسوة
كلامك جارح زي الحلقوم
وماتعرفش معني حلو الكلام
زعلي بالنسبة ليك كأنه عيد
ودموعي هي أجمل مافي الوجود
ماخدش من الرجولة غير الصفة
شايف نزيف قلبي هي الرجولة
ودموع العيون هي الخشونة
ونجي بقا لنظراتك القاتلة
هي دي عندك نظرة الحنية
هقولك احلى كلام يوجع
هقولك كلام العيون تدمع
في كل وقت والأوضاع
في لحظة صفا أو الأوجاع
هزيد منه عليكِ ما أنا راجل
ورجولتي هي دي الأصل
مايعرفش يعني ايه كلمه حلوة
غير طريق لكل معني المر
في العالم والكون كله بحبك
كلمة اتمحت من قاموسك
ماتعرفش يعني ايه حب
يعرف بس وجع القلب
بقيت ماشية تايه في الطرقات
بعدت بينا ياه كل المسافات
كبرت أوى بينا المساحات
ذكريات حلوة خلاص فاتت
وقلبك للدرجة دي مات
مابقيتش اعرف أنت مين
حبيبي اللى كان معايا فين
الحب ده حاجه كانت زمان
انتهت كل فصول الرواية
وبدأنا من تاني قصة جديدة
راح فين قلبك اللى فيه إخلاص
يا قلبي هو انتهي خلاص
اللى مشي معايا المشوار
وقع عليه كل الإختيار
وهو اختار يسبني للإنهيار
لوحدي اصارع كل المصير
اللى وقعت فيه وأنت بعيد
بدأت الطريق من أول وجديد
وياترى بقا أنت اللى بيقولوا ملاك
وأنت في عيني كل معاني الهلاك
يجو ويشفوا الملاك على حقيقته
وإن ورا القناع ده ألف حقيقه
بيتلون بكذا وش في نفس الدقيقة
حنين وقاسي وكداب وصادق
عمره ماكان ليا معني الصديق
ويرميني في النار بيده والطريق
ماليان شوك و دموع الفراق
وهو ولا على باله الرايق
أنا ايه جرالي لكل ده يا قاسي
تبقي معايا وأنت اصلا ناسي
اني في يوم حبيتك ماشي
أنت ولا تبص وراك عادي
سبت اللى فات من حياتي
يمشي كأنه ماجاش وقلبي
اللى نسي طعم الحب وعيوني
اللى مالها السواد من بكائي
ليه بس نفسي اعرف لي
قولي سبب واحد لكل ده
حياتي شبعت من طعم المره
نفسها في طعم الحلاوة مره
واحده يا اللى سميتك غالي
وأنت زي القمر بعد وعالي
عن كل حب وغرام سامي
وأنا معاك مش مهم عادي
هي قابله بكل ده وانا راضي
اكون ليها سجان وقاسي
بس انا اكتفيت من حياتي معك
مش هاعيش تاني جوه سجنك
وأكون اللى تقبل تسكن قلبك
وقال الوحيدة اللى تشوفها عيونك
ولا أكون سجينة كل جزء من كيانك .
المزيد
عهد الصداقة الأبدي بقلم رحمة صديق عباس
سندي فى الدنيا بقلم د. عبير عبد المجيد الخبيري
رحيل : بقلم: سعاد الصادق