فرحتي

كتبت: زينب إبراهيم” شاعرة الأمل” 

 

أنت ضحكة وسط دمعة 

أنت حاجة مش عادية 

أنت فرحة من الرحمن 

مالية كل حته والمكان 

أنت سعادة حلوة جدًا 

ويا حب ساكني دائمًا 

ليك في قلبي حب كبير 

مقدرش أبعد عنك كتير 

ولا لحظة عنك يا حبيبي

الحياة ماتسويش يا حياتي 

من غيرك يا ضي العيون 

ونور الظلام أنت كمان 

حب حقيقي جدًا مش كلام 

ومعاك كل لحظة بتفوت والأيام 

كأنها سنين مش أيام ولا بنام 

إلا على صوت ضحكتك الحلوة

وحياتي من غيرك هي مره 

نسيت اللوم ويا العتاب منك 

في لحظة زعل بينا وقلبك 

ده فيه حنان الدنيا بحبك 

في كل يوم بشكل جديد

ولما تجي أشوفك من بعيد 

أجري عليك واحضن عنيك 

وأسرح في جمال عالمك 

اللى في كل معاني حبك 

وأنت جنبي وأنا جنبك 

أنت يا حبيبي فرحتي 

كل حاجه حلوة وجنتي 

على الأرض أنت يا نصيبي 

من الدنيا دي لآخر عمري 

عمري قبلك مش موجود 

يا أحلى حاجة في الوجود 

يا قطعة سكر وسط ملح 

فداك كل سنيني والروح 

يا اللى أنت سكنت الروح 

ومعاك يا قلبي وجعي يروح 

أنت دوا لكل مرضي والأوجاع

وأنا اخترتك في كل الأوضاع

حنية إيدك وأنت تمسح الدموع 

وأنا مقدرش أشوفك موجوع 

لأن وجعك هو وجعي ونار 

وأنت جنبي في وقت الإنهيار 

كانت كل حاجه بتهون وتتنسي 

ولا في يوم عليا كنت تقسي

رمز الحنان ويا كل الحب 

أنت سعادة ماليه القلب 

بحبك يا روح ونبض القلب 

وفي قلبي ليك العشق والحب .