شعر: شاهندا ياسر
أوقات الدنيا بتلهينا
وبتعمي تَملي عنينا
ونودع ونفارق فيها
ضحكات وحكاوي ليالينا
كنت أسمع أمي تحكي
وتمسك بالقلب إيدينا
وتقول يابني أما أعجز
متنساش تاخد بإيديا
ولما ضهري يبقا محني
خليك جمبي وحواليا
وأخواتك يا ضنايا وساهم
أُوعي فى مره تسيب إيديهم
وفي بيتك يابني إئويهم
متسبهمش في لياليهم
أوعى الفلوس ما بينكوا تفرق
وتكسر يا ضنايا فيهم
راحت الأم بقينا شباب
وفتحنا لقلوبنا الباب
دخلنا فيها صحاب وأحباب
وجات الزوجة والأولاد
وبقينا في الورث بننكش
ونسينا أن أحنا أخوات
زمن المحبة خلاص مات
واتفرقنا لأجل مال
والوصية حالها حال
لأجل زوجه ولأجل ابن
خسرنا الأخ والأحباب
الأخ مات لأجل ورث
بعد ما في أوضة كنا نبات
مات الحب والأحباب
فارقت والدك لما عجز
وقولت زوجتي ليها بيت
ولوحدي وياها نجهز
بيت عن أهلي كمان بعيد
والزمن واقف يتعجب
طلع يافته من حديد
وكاتبه عليها شوفوا الجديد
أب كان يتعب ويعمل
لما كان جسمه حديد
يحرم نفسه لأجل ابنه
لأجل لقمه ولبس عيد
ولما عجز ابنه سابه
وقاله يابا أنا مش شديد
وبيتي وعيالي بيا أولى
سابه ودموعه في تجديد
والأم اللي تحت قدمها
جنه ومناها السعادة
لعيالها وتتعب كالعادة
بقا تفارقهم لأجل زوجه
وتقسى عليهم لأجل بيت
سهروا ليلاتي جمب منك
لما من وجعك شكيت
ولما أحتاجوك جمب منهم
زعقت وصوتك عليت
عال يا مسلم والله عال
حال الإسلام جواك مال
ربك وصاك بالبر ليهم
والإحسان وحسن الخصال
وصاك تاخد كمان بإيديهم
وتساعدهم على الأعمال
بكره يجي ضناك يا مسلم
وبردو يسيبك لأجل مال
وقتها قبل ما تبكي
قول دمع العقوق سال
قول
دمع العقوق بالكوي سال
وأدي حزني وحالي مال
المزيد
مقام القلم بقلم د. عبير عبد المجيد الخبيري
على أطلال الضمير بقلم الشاعر المهندس أحمد علي سمعول
جبل المعجزات بقلم د. عبير عبد المجيد الخبيري