صوتك في وداني

كتبت: أمل سامح

صحيت على صوته في وداني

كأنه حلم في منامي

جاي يقول لي وحشاني

ما تيجي نرجع من تاني

فتحت عيوني مصدومه

ما انا في حبه موهومه

بدور عليه في كل مكان

في الواقع وفي الاحلام

ما بقتش اعرف من غيره انام

ده واحشني بكل تفاصيله

وشكله وانا بحكي له

شعوري غريب وانا وياه

ضحكتي صافيه بس معاها

ايوه بستني لحظه لقاه

ده عيبي اني لسه بشتاق له

وروحي بتروح وتنده له

هبله عشان بفكر فيه

وروحي لسه بتناديه

كاني من غيره انا ناقصه

وبحبه هو اللي كملني