كتبت: زينب إبراهيم ” شاعرة الأمل”
أحلى ما في الدنيا
والوحيدة اللى ماليه عنيا
قمر ليلي وكل سمائي
حبيبة القلب وروحي
يا ساكنة جوه قلبي
وصديقة كل دروبي
حبك مالي حياتي سعادة
وبسمتك سر كل الفرحة
أميرة في كل أحلامي
سلطانة نبضي وقصري
روحها دي روح طفلة
قلبها ده ماليان حنان
عيونها فيها جمال وساحرة
عيوني وقلبي بشكل جنان
حبيتك من أول نظرة
وقعت في حبك من غير ولا كلمة
أنتي ياللي سحرتني
وطول الليل سهرتيني
أعمل إيه في حبك
ولا نظرة عيونك
ودقات قلبي وقلبك
بحبك أنا من غير تفكير
عشان أنتي هي الإختيار
هكمل الباقي من عمري
وكل لحظات حياتي
معاكِ يا اللى أنتي قمري
وفي ليلي أنتي نجمي
لما تزعلي عيوني تبكي
لما تنجرحي قلبي يدمي
اوعي يوم تزعلي يا روحي
خلي تضحك شمس حياتي
أنتي بالنسبة لي حياة
وبعد عني هي المنية
إياكي في يوم تبعدي
ولا قلبي في يوم توجعي
عشان أنتي الدوا لكل جروحي
وحبك ليا هو كل امنياتي
حبيت الشمس بالنهار في عيونك
حبيت القمر بالليل في صوتك
عشقت النجوم في قلبك
حنيت للسهر في روحك
اللى كل نبضه من قلبك غنوة
ويا صوتك أحلى نبرة
أسمع العصفور يغرد مرة
افتكر صوتك حبيبتي الجميلة
بستني فيكي حياتي كلها
ياللي أنتي حلو الدنيا
وعيونك فيها لمعة حلوة
تنسي جروحي وأهاتي
وفي دمعوك الحياة تعيسة
شمس النهار تغيب عني
وتجي لما تطلع ضحكة
من حبيبة القلب وعيوني.
المزيد
أنفاس جديدة بقلم ميليا عبدالكربم
عهد الصداقة الأبدي بقلم رحمة صديق عباس
سندي فى الدنيا بقلم د. عبير عبد المجيد الخبيري