كتبت: زينب إبراهيم ” شاعرة الأمل”
مابقيتش قادرة أتحمل
والناس عاوزاني أكمل
طاقتي خلاص خلصت
والدموع في عيوني نشفت
نفسي أفرح مرة بجد
وعن الحزن فترة أبعد
مابقيتش فاهمة حاجة
حياتي بقت كلها مره
بعد ما كانت حلوة
وكل أموري سهلة
خلاص كدا أنا انتهيت
ومن كل حاجة اكتفيت
أبكي وأنا لوحدي بليل
واصحى تاني يوم أكمل
باقي حياتي وبرضو عادي
وكمان قلبي الموجوع ناسي
أنهم في حياتي فترات
وبنا كبيرة أوي المسافات
نفسي أنام مرة مرتاحة
ولا أشيل هم أي حاجة
أخد يومي من أوله لأخره
من غير ما ابكي ولا مرة
آه يا قلبي المكسور منهم
ولا شفت يوم الحنية فيهم
زعلانة عادي ومكسورة
ماليش غير ربنا ورحمته
اللى بتملأ حياتي وقلبي
جبر بكسر قلبي كل مرة
أروح ليه وأنا عارفة
أنه معايا ومش بينساني
ولا في لحظة بيقسى علي
هو رحيم بكل عباده
بيسمع كل آلام خلقه
ويرفع عنهم ويشفيهم
ولا في مرة بيصدهم وينساهم
روحت ليه وبكيت من خوفي
على قلبي الموجوع ويا روحي
يارب أنت العالم بكل حالي
حتى ما اتكلمتش سامعني
في سكوتي قبل كلامي
خايفة من بكرة ودموعي
نازلة حتى في منامي
عاوزه أكون مرتاحة
ولا أحس إني قلقانة
ودعت في كل سجدة
ارحم روحي الهلكانة
من كل حاجة والحياة
نفسها جنبك تشوف الراحة
عشان تكمل حياتها الصعبة .
المزيد
أنفاس جديدة بقلم ميليا عبدالكربم
عهد الصداقة الأبدي بقلم رحمة صديق عباس
سندي فى الدنيا بقلم د. عبير عبد المجيد الخبيري