دمع الرجال شعر لخالد عبد العظيم عويس
داري الدموع يا عيني
ده الدمع بقى غالي
دمع الرجال عزيز
وحزنهم متداري
اشمعنى أنا اللي أبكي
ودموعي فضحاني ؟
ببكي في وقت الهم
والجرح ما بيتلم
وابكي في وقت الفرح
ده لو مرة شفت الفرح
ببكي وانا فرحان
وابكي وانا زعلان
وان يوم تعبني البكا
ببكي على حالي
نفسي أغمض عيني
يمكن دموع عيني
تبعد وتنساني
أنام واريح بالي
وأحلم وأتوه في خيالي
لكن وأنا في حلمي
حتى في وقت منامي
بشوف دموع عيني
في حلمي مصحباني
المزيد
ميزان كل أب بقلم د. عبير عبد المجيد الخبيري
روووز .. الحضن والسكن .. شعر بقلم خالد عبد العظيم عويس
النافذة الهادئة بقلم د. عبير عبد المجيد الخبيري