كتب:منتصر محمد
والقلب ليه موجوع
عايش وجع وجراح
وجع الوطن الي منزوع
ولا الحب الي راح
والي معانده التعب
لازم في يوم يرتاح
بالصبر كلو يهون
راح يرجع الي راح
بس انت قول يا رب
واطلب منو السماح
الحزن لما يروح
مكانو يجي براح
والي قلك هفضل معاك
سابك في وسط عذاب
اصبح زمنا نفاق
والكل فيه كداب
يا ليل غيابك طال
ولا النهار خد منك
اصبحت حزين يا ليل
ولا النهار خد منك
بقيت بقول مواويل
وكل دا يا ليل منك
واه يا ليل اسي واناني
قصير علي الي ينام
طويل علي الي يعاني
كأن قلبك حجر
وانا هعيش وحداني
المزيد
روووز .. الحضن والسكن .. شعر بقلم خالد عبد العظيم عويس
النافذة الهادئة بقلم د. عبير عبد المجيد الخبيري
يا مصرُ يا نبضَ الحضارةِ والعُلا بقلم أماني منتصر السيد