السعادة ….. شعر خالد عبد العظيم عويس
ومين قال السعادة
هيا نظرة من عينيكي ؟
ولا لما ارتاح في قربك
ولا حتى ألمس ايديكي
دي السعادة حلم شفته
لما مرة شفت صورتك
لما فجأة ألاقيني بضحك
على كلمة حلوة منك
السعادة هيا قربك
لما أفوت كل الصحاب
وأنسى كل اللي غاب
ويعيش قلبي اللي داب
سهران يناجي صورتك
السعادة أغلى طبعا
من إني ألمس إيديكي
السعادة في نور عينيكي
ونور بيلمع من عينيا
لما بنسي كل اسم عرفته قبللك
لما كل بنت أشوفها
أناديها باسمك
السعادة في كلمة حلوة من شفايفك
اني لووو غمضت عيني
برضووووا شايفك
السعادة إني أعيش العمر كله
أوصف ملامحك
نظرة عيونك
ضحكة خدودك
رسمك وعودك
جدايل شعرك
السعادة ضحكة حلوة
تشوفها عيني مالية خدك
السعادة كلمة حلووووة
قبل ما يقولها لساني
بحروفها يدق قلبك
السعاااااااااااااااادة
إني …….. بحبك
المزيد
مقام القلم بقلم د. عبير عبد المجيد الخبيري
على أطلال الضمير بقلم الشاعر المهندس أحمد علي سمعول
جبل المعجزات بقلم د. عبير عبد المجيد الخبيري