كتبت: زينب إبراهيم ” شاعرة الأمل”
راجع تاني ليه
عاوز بس إيه
بعد ما كسرت القلب
ووعدت هتملاه حب
لقيته بقا مكسور
وفاكره هيكون مجبور
بس على أي هازعل
ولا أي كلام يتقال
يكفي جرحي منك
وأنا كنت بخاف عليك
رجعت من تاني اخاف منك
واقول هارتاح في بعدك
بعد ما قولت حياتي في قربك
هانت عليك أيامنا الحلوة
قلبتها في ثانية كده مره
نسيت ضحكنا وهزارنا
وكلامنا عن كل احلامنا
اللى بنيناها وأحنا سوا
آه منك يا قلبي الضائع
بقا ماليان كسور و أوجاع
ليه يا حياة في حبيبي
توجعيني وتبكي عيوني
لما توريني خداعه لي
في كل صورة وحشة
بعدما كانت صورة حلوة
ليه يا زمن قاسي علي
تجيب لي الحلوة وتنساني
وأشوف بعيوني كل ألمي
وبيدي امسح كل دموعي
آه من ذكريات كدابة
في عيوني كانت جميلة
مكنتش أعرف الكدب
ولا حسيت بكسرة القلب
على يدك يا اللى افتكرت
في يوم أني بجد حبيت
ومش هارجع وانكسر
معاك عرفت معنى المر
اللى عمره ما هيمر
إلا لما أدوق المرار
عشان بس انسى الخيانة
واعرف أنه مفيش أمانة
كله خداع في خداع
والقلب بقا ماليان أوجاع
كفاية بقا يا حياة
لسه هشوف تاني إيه
بعد ما مات القلب
في إنتظار حلاوة الحب .
المزيد
سندي فى الدنيا بقلم د. عبير عبد المجيد الخبيري
رحيل : بقلم: سعاد الصادق
الشمس مشرقة بقلم عبير عبد المجيد الخبيري