أخي سندي

كتبت: زينب إبراهيم ” شاعرة الأمل”

أخي سندي 

روحت ياللى أنت كنت سندي

طب هاعيش إزاي أنا بعدك

ده أنت الحلو اللى في حياتي

سبتني الفرحة وراحت معاك

أنت كنت أخي وأبي وصديقي

كنت بحكي كل حاجة حلوة ليك

كنت بفرحك بفرحتي و نجاحي

دلوقتي بقيت أنا تاني لوحدي

رجعت لأوضتي وأنا ببكي

على كل لحظه زعلتك فيها

وأنا كنت بعاند عشان حاجه عوزاها

واقولك لا وأنت كنت خايف عليا

أنا دلوقتي عرفت معنى حبك ليا

وتقولي مفيش حاجة اغلي منك في الدنيا

وحشتني أوي يا حبيبي وسندي

انا بتكلم معاك كل يوم عشان بتوحشني

فاكر لما كنا نلعب سوا وأخد منك الفون واجري

كنت ببقا فرحانة وأنت بتجري ورايا

كأني فراشة طائرة في السما

بس دلوقتي الفراشة حزينة بقت

عشان معاك كل حاجه حلوة راحت

سبتني وده مش بيدك ولا بأيدي

ده قضاء ربنا وأنا راضية ماشي

بس أنا مين يداوي جرحي بعدك

مين يمسح دمعتي لما تنزل غيرك

مين يجبلي حاجه حلوة غيرك

أنا بحس معاك إني بنتك مش أختك

بس دلوقتي أنا بقيت وحيدة وفراقك

علم فيا جامد أنا بقيت في اوضتك

قاعدة كل شوية واتكلم معاك

أنت لسه قاعد معايا مامتش

في كل شبر من قلبي ماروحتش

بقولك على اللى يحصل معايا

وأنت بتسمع واتخيلك بترد عليا

واقولك أنا جبت درجة حلوة

زي ما كنت حابب واتخيل فرحة

اللى ماليه قلبك قبل وجهك

وأنت فرحان إني نجحت بمجموع

ليه سبت قلبي يا حبيبي موجوع

في بعدك بقا خلاص مكسور

وأنا عارفه أنه ربنا الجابر

هيجبر خاطري في يوم ما أشوفك

واقولك برضو أنك وحشتني واحضنك

في حضنك كنت بحس بالأمان وقلبك

اللى شايل كل هموم الدنيا وهمي

مكنتش بحس يوم بالخوف جنبي

أسد انام وأنا مطمنه أنه سندي

يقف قدام الوحوش ويحميني

وبروحه من الخطر يفديني

سنة عدت كنت فيها ومعايا

دلوقتي سنة جات ووحدي أنا

فيها وأنت مش معايا فيها

سبتني بعد ما اطمنت معاك

هاعيش حياتي وأنا مش خايفة بيك

كنت بشوف الأمان ويا الطمأنينة

دلوقتي الخوف سكن قلبي والحياة .