الصحفية نور ناز
في عالم الادب، تتلاقى الافكار ويولد الإبداع.
في هذا الحوار مع كاتبتنا شيرين مصطفى أحمد نستكشف جمال الكتابة في حوار لمجلة ايفرست .
* بداية ممكن تعرفينا بنفسك ؟
اهلا بيكم انا شيرين مصطفي احمد 27 سنه من القاهره مواليد شبرا مصر كاتبه روايات وفويس اوفر وكاتبه دراما اذاعية
– كيف اكتشفت موهبتك؟ وكيف قمت بتطويرها؟
والله الموضوع بدأ عندي من سن 16 سنه كنت بكتب اسكتشات وقصص قصيره رعب ورومانسي بعدها دخلت مجال الفويس اوفر ومن هنا بدأت اكتب دراما اذاعيه وامثل مسرح ومع القرايه الكتير طورت من نفسي في الكتابه لحد ما اسمي اتعرف في الكتابه الاذاعيه حدا ما وبقي في الفويس اوفر معروف بردو وبحاول اجتهد علي نفسي علشان اعلي اسمي في مجال الكتابه
– كيف تتاكد أن عملك دقيقا؟
بتأكد أن عملي دقيق لما بعمل مسلسل اذاعي أو خاطره واجتهد جدا فيهم واتعب وتعجب الناس والاقي تعليقات كتير عليها وشير والناس بتدخل تطلب مني اجزاء تانيه بعرف ساعتها اني عملت حاجه تستحق التقدير
– برأيك كيف يتعامل الكاتب مع النقد؟
بالنسبه بقي لموضوع النقد انا شايفه أن النقد بدايه النجاح لأن مش كل الناس بتحب نفس اللون من الكتابه ولازم الكتاب يتنقدوا علشان يبدأوا يشتغلوا علي نفسهم ويطوروا من نفسهم علشان محدش ينتقدهم العمل اللي بعده وطبيعي محدش ينجح من اول مره الفشل بدايه النجاح والتعلم من الأخطاء ده لحد ذاته إنجاز ولازم الواحد يسعي أنه يطور من نفسه ويقعد مع نفسه ويعمل جدول باخطائه ويتعلم منها وميكررش نفس الخطأ
– من هو الكاتب الذي أثر في نفسك؟
الكاتب اللي اثر فيا والله انا بحب عمرو عبد الحميد جدا واول روايه قريتهاله كانت ارض زيكولا بعدين امريتا و قواعد جارتين ووادي الذئاب المنسيه وبردو وكتابات الدكتور خالد توفيق واستاذه حنان لاشين في مملكه البلاغه لاني بحب اللون الادبي جدا في الكتابه ودائما كتاباتهم تلمسني حرفيا وبتأثر فيا جدا
* ماهي إنجازاتك ؟
انجازاتي عملت مسلسلات اذاعيه زي المقبره ومصحه الهلاك كتابتي و اول روايه ليا ورقي ارض الدمي الملعونة اللي هتنزل معرض القاهره الدولي للكتاب 2025
– هل واجهت صعوبات؟
والله واجهت صعوبات كتير خصوصا اني بدأت الكتابه في سن صغير مع الدراسه وكمان تعبت جدا واتعلمت واتكسرت علي ما قدرت اوصل للي انا عليه دلوقتي والواحد لازم يتعب ويسعي دائما علشان يوصل
– ماهي طموحاتك في المستقبل؟
طموحي في المستقبل اني ابقي واحده من الكتاب اللي كتاباتهم بتأثر وتفيد الناس في اي مجال سواء رعب او رومانسي أو ادبي واني اكون من اشهر الفويس اوفر في مصر واسمي يكون معروف بين الناس
– قم بتوجيه رسالة للمواهب المبتدئة؟؟
ورسالتي للمواهب المبتدئة ربنا معاكم جميعا ومعي يوفقنا كلنا اسعوا واجتهدوا أن الله لا يضيع اجر من احسن عملا وبلاش تبصوا للجانب السلبي أنه سيء بصوا ليه أنه بدايه جديده للتعلم من الأخطاء
– في الختام نريد أن نعرف رأيك بالحوار، وأيضا رأيك بمجلتنا ، *مجلة إيفرست* ؟
سعدت جدا بالحوار معاكي وانتي شخص لطيف يا نور واشكرك علي اللقاء الجميل هذا المجله حلوه جدا ربنا يوفقنا جميعا
عن المؤلف
المزيد من الأخبار
الكاتبة زينب محمد في حوار خاص لمجلة إيفرست الأدبية
اليوم معنا المميزة” هاجر إبراهيم” مع مجلة إيفرست الادبية
حوار خاص لمجلة إيفرست مع المتميزة: هاجر طارق