مين؟

Img 20240222 Wa0004

 

كتب: الشاعر عاطف محمد

 

مين هايقولي حبيبي وقلبي

مين هايقولي صباح الخير

مين هايطبطب على باب قلبي

ويوريني ف حبه الويل

مين هايقولي غمض عينك

فتح شوف عبر بمشاعرك

مين هايقولي فينك ارجع

اشتقنالك قبل خروجك

وبتأخيرك شوقنا قتلنا

ارجع رد الروح جوانا

مين لما افتح باب الشقه

يتلقاني بالاحضان

مين هايحس بوجعي وألمي

شكلي حزين أو جاي فرحان

مين هايقولى تأكل إيه

تشرب حاجه

لبسك مكوي وزى الفل

مين هتكون لي عروسه بتل

مين هاينادي قلبي يدق

مين هايعدى الخطوة يزق

مين هاديها ورده الصبح

وإن أخرت الورده ف يوم

ألقى عينها برقه تعاتب

يبقى نسيتني

أجرى وابوسها من جبهتها

أنسى الدنيا إلا سميه

أصل بتاع الورد ماجاشي

مين هايقولى اصحى ياعاطف

علشان نقضى صلاة الفجر

يلا نصلي العشاء والوتر

مين هايقولى خيرك أهلك

من غيرهم والله ل…..نهلك

مين هايقولى كلم ماما

أطمن طمنها عليك

شوف اخواتك حالهم إيه

ود خالاتك

خالك طمن قلبه عليك

عمك عايزك رد عليه

ادعى لابوك واقراله الفاتحة

مين هايقولى ساكت ليه

اتكلم مشتاقه لصوتك

ماسمعتوتش من ثانيه ياعمري

مين هايقولى يلا نصوم

وقفة عرفة

و اتنين وخميس

مين هايقولي روح شوف حالك

اطمن انا حافظه ولادك

جوه عنيا

روح ماتخفش

مين هايوزع ضحكة علينا

واحنا بنفطر كل صباح

جوه ف عينها أحلى براح

متهيألي يساع الكون

مين راح ألقى

الخير ف ركابه

فعل الخير

موجود على بابه

غيرك انتي

مين هايواسي قلوب الناس

مين هيكون لى نور وناس

مين غيرك راح أقوله

باحبك

وأفضل أحبك

حتى طلوع الروح لله

عن المؤلف