كتبت: زينب إبراهيم ” شاعرة الأمل”
سكوتي مش ضعف
أو كلمة بتتقال في الظروف
بستناك تجي عشان تطمني
وبكل كلمة حب تقولي
كل اللى فات راح
وأنا معاكِ مش هروح
انسي معايا كل همومكِ
عشي معايا كل سعادتك
ارمي الماضي ورا ضهركِ
وريني يلا من تاني ضحكتكِ
أنا هنا جنبك يا حبيبتي
اوعي تخافي يا حياتي
طول ما أنا وياكِ ماتخفيش
وايدك من ايدي ماتسبيش
أنا علشانك بس بعيش
وفي الدنيا دي غيرك ماليش
يا حته مني ومن قلبي
يا حاجة حلوة في حياتي
اللى ماليانه قسوة ومرة
بيكِ بقت حياتي حلوة
بحبك ياللى أنتِ بنتي
قبل ما تكوني حبيبتي
وكمان أنتِ كل حياتي
بيكِ هكمل اللى جاي
وكل اللى فات هانسى
وعليكِ عمري ما أقسى
لأنك في كل وقت سندي
إزاي هاجي على حته مني
وأنا من غيرها أموت
ببسمتها كل حاجة تفوت
حلوة حتى في السكوت
وبقولها كمان بعلو الصوت
اوعي في يوم تبعدي
ولحبي في ثانية تنسي
أنا حبيتك حب جنون
وليكِ يا قلبي بقيت مجنون
وفي عيونك كل الحنان
أنتِ هدية من الرحمن
سوا هندخل أعلى الجنان
ونفوز برضا ربنا المنان
سكوتك ده مش ضعف
ولا اللى بنا مجرد ظرف
أنا معاكِ هاعيش حياتي
ولآخر نفس فيا يا نبضي
هكون ليكِ سند وضهر
طول ما فيا نفس وعمر
هكون نبض ساكن قلبك
ولا هاوجع في يوم عينيك
بدمعة تنزل من جفونك
تكوى قلبي بنار حامية
وتقتل روحي مئة مرة
حضني ليكِ أمان
من غدر الناس والزمان
وقلبي ليكِ بيت كمان
بيعزف على أوتار الكمان
ويطلب من قلبي الإحساس
ونبضه ليكِ زي الألماس
بينبض للغالي وبس
ولا يدخله أي إنس
غير حبيبة القلب
اللى عرفت معاها معنى الحب
أنتِ أنقذتيني من الجب
وقلبي ليكِ بقى محب
ونسي طعم الخوف
ومعاكِ حلاوة السعادة بشوف
يا كل سعادتي من الدنيا
هنكمل حياتنا تاني سوا
وده وعدي مني أنا.
المزيد
في مكنون العدم أسئلة لا تنتهي بقلم : مَـنافْ الشَّـمريْ
تميمة السحر بقلم : مَـنافً الشَّـمرْي
صبرًا فإن لصبر المرء منزلة بقلم د. عبير عبد المجيد الخبيري