يكفيني أقلب كل يوم في الصور

كتب: محمد عيد الشيمي

 

يكفيني أقلب كل يوم في الصور والذكريات

ماسمحش أبدًا قلبي ينساكي

قلبي بينسي أي موقف فات

معرفش أبدًا أنه ينساكي

كل الظروف صاده

وأنا وأنتي نفس العند

كل الظروف هاده

وبنبني ف الحياة ونعد

الأمان أنا شوفته فيكي ثم في عيونك يحلوة

كل فرحة طالعى منك ضحكة طالعة زي غنوة

السلام النفسي والضحكة الجميلة كل حاجه فيها ريحتك، كل حاجه تكمليها

كنا نسهر كل يوم كنا بنبيع الهموم ونعيش حياتنا بقلب طفلين عشقانين

كل يوم وسط الصور جوا الشاتات نفتكر كل اللي فات

كل كلمة بتقوليها وكل ضحكة بتضحكيها

نفتكر أيام لقانا ونفتكر نظرتنا فيها

ونختلس الضحكة واحنا وسط زحمة ووسط حيرة

لمستك ليا يحلوه عندي تسوي ١٠٠ جبيره

ضحكتك الصبح تشبه كأن شمس في كون ظلام

كأني جندي ف حرب شرسه وكلمتك هي الزمام

انساكي ازاي؟ ردي عليا

انساكي ازاي؟ حني شويه

دا تملي بقول كانت جنة

ضحكتها بتلمع في عنيا

بس أنا مش عايز انساكي

أنا هفضل عايش وياكي

ويا صورنا جوا شتاتنا بنلم في روحنا وفي شتاتنا

وبندعي لربنا يجمعنا وبندعي لربنا يرضينا

أصل أنا حبيتك من قلبي

وبنضرب فاسنا في أراضينا

وبنزرع حب ونروي بشوق

ونحصد قلبك مع قلبي يتباها بينا أي حبيب

خليني أقلب كل يوم في الصور والذكريات

أنا بترجاكي المرادي تسبيني أكمل تقليب