كتبت : زينب إبراهيم” شاعرة الأمل”
كل ما يجي الليل يفكرني بيكي
و بعيونك اللى وحشتني وبخبي
فاكره يوم ما سبنا بعض قولتلك هنسي
طلعت مش قادر أنسي ولا عارف
والنوم من عيوني ليه دايما هارب
جيت أسألك بس خوفت أسألك
إزاي وأنا اللى أخترت البعد وبقولك
إني دلوقتي نفسي أرجع بس خايف
ما هو الخوف انكتب ليا ومش قادر
لا أنسي ولا أجي أقولك يلا نرجع
وننسي اللى فات وإزاي ينفع
وأنا وجعت قلبك الجميل ده كتير
فاكره لما كان قلبك من الفرحة يطير
وأنا قصاده أكتر منك بكتير
دلوقتي لما أفتكر قلبك اللى إنكسر
برجع وأقول مستحيل تنسي اللى توجع
ده قلبها مش حاجه سهله تفتكري
أنه عادي اقولك أنا آسف وتغفريلي
ما أنا عارف أصلي قلبك الطيب
بيسامح بسرعة وينسي وبالحب
اللى جواه ليا هقدر أتكلم بقوة وأقولك
تعالى نرجع تاني يا اللى ملكتي بقلبك
كل ذرة حب جوايا مش هتكون غير لروحك
اللى هي في الأصل روحي
وأنا مش هكون غير ليكِ
عاش جامد