كتبت : زينب إبراهيم” شاعرة الأمل”
هان عليك يا حبيبي زعلي
طب دموع عيوني اللى نازله
زي المطره ويا دموع قلبي
هو كده أنا عادي مش فارقة
حبيبي أنا حياتي كانت ليك
وأنا تعبت تاني بسببك
عشان كان وجعي منك
النهاردة خلاص مش فارقة
بالنسبة لي حياتي أحسن
هختار لنفسي كل حاجة
تفرحني واكون رقم واحد
مش محتاج تاني لأي حد
هاعيش يومي تاني من جديد
هاروح بخيالي لمكان بعيد
أحس فيه بالأمان المسروق
ومن تعب قلبي والفراق
أنا حبيتك حب كبير
وأنت يا حبيبي وجعتني كتير
مش بتشوف دموع عنيا
ولا بتفكر حتى فيا
أنا بالنسبة ليك إيه
بتعمل معايا كده ليه
عشان قولتلك بحبك
وفي قلبي هو نبضك
مش فارقة برضو عادى
هيعدي كل ده وأبدا تاني
مش أول مرة هتوجع منك
لما أبات وأنا زعلانه عليك
الحب اللى سكن قلبي ليك
زعلت عليه وعلى قلبك
اللى يعرف يمثل الحب صح
كل حاجه حبيتها مني بتروح
حتى أنت في لحظة حبيتك
لما في يوم مختلف فكرتك
طلعت زيهم عادي تجرح
وتخون القلب اللي راح
من كتر زعله منك وبيداري
ويقول إنه مش زعلان عادي
فاكر لما قولتك سعادتك سعادتي
فاكر لما قولتك ضحكتك حياتي
طلعت أنا ولا حاجة بالنسبة لك
وسبب زعلي هو زيادة غيرتك
هي إيه دي غيرة ولا تملك
مش عاوزه تاني أي حب
مش عاوزه أعيد وجع القلب
شفت وجع في حياتي كفاية
حسيت بالخوف لوحدي كفاية
إني أعيش وهم جوه دماغي
إني في يوم هشوف أماني
اللى انسرق مني وأنا طفلة
وكان مطلوب مني أكون قوية
واتعلم ابعد الخوف عني لحظة
شوفت الموت فيا كتير
حسيت إني روح بطير
في الهوا ورايحه السما
هانرجع تاني يا حبيبي سوا
أنت بتحلم برضو كده
أنسي أرجع عادي كده
اللى شاف الخوف مرة
وعرف طعم الظروف مره
مايشفش الحلو إلا وهو خايف
أنه يتحول في لحظة يا خفيف
لشبح ويختفي من الوجود
عشان هو أصلاً مالهوش وجود
السعادة دي كلمه بسمعها
ولا شفتها حتى ولا حسيتها
ببين إني فرحانة وطائرة
بس من الخوف مش السعادة
مش فارقة بقولها بعلو الصوت
ولا هارجع أقولك أنا حنيت
يلا بينا نرجع تاني في الطرقات
نمشي ونفتكر الذكريات
أنا بكيت كل لحظة وأنا لوحدي
بقول دي حاجه مكتوبه عادي
إني أزعل وراسي يوجعني
عشان حبيت في يوم حاجة
وافتكرت أنها ليا عادية
صح كده ولا أنا غلطانة
إني أحب في يوم فرحة
تتقلب في لحظة لدمعة
مالية عيوني من غير ما تنزل
وأبص في عيونك الحلوين دول
واقول أنت حاجة حلوة
هتمشي زي أي حاجة سعيدة
بتكون جنبي وبحبها فجأة
اتحرم منها عشان هي ماشية
مش ليا أصلاً السعادة
ولا حتى من القلب ضحكة
تطلع تكون أساسًا صافية
لازم تعكرها كل ذكرياتي
اللى بتقف دائمًا في وشي
وتقولي هو أنتي فرحانة
تعالي أفكرك تاني بالتعاسة
ودي كانت حياتي اللى مش فارقة.
المزيد
أنفاس جديدة بقلم ميليا عبدالكربم
عهد الصداقة الأبدي بقلم رحمة صديق عباس
سندي فى الدنيا بقلم د. عبير عبد المجيد الخبيري