سجاني

كتبت:زينب إبراهيم 

ليه عاوز تسجني في عالمك
ليه كنت دايما أنت هو سجاني
عاوزني أبقي الوحيدة في كيانك
ليه بتحب تشوف دموع عيوني
وهي بالنسبة ليك كل سعادتك
عاوزني أبقي حبيسة أحزاني
ولا اشوف النور إلا في قلبك
هو كان بيهتم بكل تفصيلة يومي
دلوقتي مش بتشوف غير نفسك
على فكره أنا جوايا بيكبر حلمي
وهشوفه في ذاتي وفي عيونك
هقولك جه اليوم واخدت حريتي
ومابقيتش تاني سجانة حياتك
طرت في الهوا من كتر فرحتي
إني بقيت حرة مش في قلبك
محبوسة عن الدنيا وكمان عيوني
اللى كانت بتبكي ودموعي كانت أمنيتك
دلوقتي أنا خلفت كل ظنونك بسعادتي
اللى اخدها من الحياة غصب عنك
عمري ما نسيت قهرتي وقت جرحي
على حلمي اللى ضاع قدام عيني بسببك
أنا مابقيتش أخاف منك ولا هابكي
تاني إلا دموع الفرح والنصر عليك
ياللى أنت كنت فاكر أنك هتبقي سجاني
طول العمر وأنا أبكي على قسوتك
اللى ماليه كل حته من ذكرياتي
لكل سجان فترة سراح من سجنك
وجه الوقت اللى أخد من سجنك نصيبي
لآخر مرة هشوف عليا قوتك وجبروتك
بدل ما تحمي من الخوف قلبي
جيت أنت زدت عليا خوفك
من فقداني بقيت عليا قاسي
فاكر بالقسوة هكون جنبك
ولا هقدر في يوم ابعد وقلبي
اللى حب الأمان في قربــك
دلوقتي بيتمني أنه يفر بحبي
اللى ساكن فيا رغم جحودك
لكل ذرة عشق جوايا وعيوني
اللى شافت في أول لحظة عيونك
كانت بتلمع في أول لقاء بكل عشقي
راح فين الحب ده في حياتك
أنا كنت قريبة بقيت غريبة دلوقتي
سبت جروح فيا صعب تتشفي وجرحك
اللى أنت علمته في كل شبر من قلبي
هايفكرني لما اجي يوم أحن ليك
عشان القلب لما يقسى عادي ينسي
ولا في لحظة يجي عليه الوقت ويحنلك
ولا حتي يشتاق لنظرة من عيونك
اللى انت عارف بيهم كويس تسحرني
أنا اخدت مصل ضد السحر منك وليك
كلمة هقولك قبل ما أمشي ده قلبي
على دموعي ونزيفه مش مسامحك .