كتبت: زينب إبراهيم
جرحتني عادي سكتلك
بعدت عني ونادهتلك
مرة ولحد عشرة كمان
وأنت كده من زمان
فاكر هنسى عادي
وأكمل والحب بقلبي
لأمتى هتقسي علي
وأنا بسهوله أنسى
اللى فات بينا كان صعب
والقلب بنا مليان حب
لأمتى هتفضل تعاند
معايا وتبقي بعيد
وأنا أفضل أستناك
واشتاق لقلبك ويا حبك
دفعت ضريبة حبي ليك
نسيت نفسي وكملت بيك
وأنت مش بتفكر حتى فيا
وتبكي قلبي قبل عنيا
وأكون زعلانه في طريقنا
وأضحي برضو عشانا
فاكر العشم بيفضل كتير
حتى وليك بقلبي حب كبير
هيتمسح في ثانية بسببك
والقسوة اللى في كلماتك
اتحملت عشانك يا قلبي
قولت حبيبي هيرجع لي
وانسى اللى فات من همي
وأرجع اعيش معاه عمري
وأشوف بعيونه سعادتي
سؤال دائمًا في بالي
ولا بيمشي من عقلي
راح فين حبيبي ؟
اللى كان بروحه أسعد
وبعيونه عني ما يبعد
ويسمع كلامي حتى لما اهبد
ويقرأ لما أكتب وأعاند
فيه في كل لحظة ودقيقة
كنا بنعيش أحلى أيامنا
بحب كل طوبة في بيتنا
وبعشق كل ذكرياتنا
وبغرام كل قصصنا
نسيت كل ده يا فارسي
بعدت عني يا حبيبي
سلامي ليك يا روحي
ابتسامتي ليك يا عيوني
حبيت اكتب ليك عني
مالقيتش كلام يوصف وجعي
ولا حروف توصف دموعي
أنا بشتاق ولا بحتار ؟
ولا في مرة بختار
نفسي وقلبي مرة
بقت حياتي بعدك مره
اللى كانت ماليانه ضحك
بقت وحشه من دونك
فين كل رسائلك؟
اختفت يوم رحيلك
وأنا بقيت زي ضحكة
في عز الوجع منسية
وفي كل وقت مختفية
وليك بقيت مشتاقة
حبيت أقولك بخنقة
أنا روحك الضائعة
وسط نار قائدة
لحظة خوف حاضرة
في قلب فتاة مشتاقة
لحبيب قلبها ثانية
ارتوى من نبع أمانه
اشوفه مرة بس واحدة
أملي عيني وقلبي منه
واعيش بعدها راضية
ببعاده والجفا عارفه
بعده هيطول وأنا مستنية
للحظة لقا تجمعنا مرة تانية .
المزيد
سندي فى الدنيا بقلم د. عبير عبد المجيد الخبيري
رحيل : بقلم: سعاد الصادق
الشمس مشرقة بقلم عبير عبد المجيد الخبيري