كتبت: زينب إبراهيم ” شاعرة الأمل”
ياترى لسه بيوحشك
نسيتي يوم ماوجعك
ولا اجي تاني أفكرك
بدموع عيونك وقلبك
عارفه أنتِ ميـــن
واحدة تاهت من سنين
سابت طريق ربهـــا
ومشيت ورى قلبهــا
وخسرت كل حبهــا
اللى اتزرع جواهــا
بس لحبيبها وزوجها
اختارت بنفسها التضحية
ومافكرتش يوم في النهاية
اللى كانت غلط من البداية
خسرت الدنيا ومعها الآخرة
عشان كلمة حلوة تسمعها
وفي عز الوجع تنسيها
مر السنين اللى شفتها
ولا حتى مرة نفعتها
غير خلت مره حياتها
لما في عز ضعفها سبها
وأختار برضو واحده غيرها
يقولها نفس الكلمة وعادي
كلمة مش هاتكلفه حاجة
بس ليكِ كانت مش عادي
كلمة بالنسبة لك حياة
وهي موت في الحقيقة
موت قلب جوه روحك
موت حب جوه قلبك
موت حياة جوه نفسك
بداية دموع جوه عيونك
وأي هي الفائدة في الأخر
ندم وكلمة في إختيــار
وبنت في الليل تحتار
ولا في لحظة تختار
الطريق اللى نهايته صح
ومش فارقة تفارق الروح
على الأقل تفوز برضى ربنا
اللى هو أملنا في حياتنا
في كل ثانية بيشوفنا
وعارف بكل حالنــا
هو كمان داري بقلبك
وبكل دقة من نبضك
نفسها فيه وبتحبه
مابيعديش يوم إلا بكلامه
طب اي اللى أستفدي منه
سابك في لحظة وشاف غيرك
وزي ما حبك اهو حب غيرك
وأختار بيده عذاب النهاية
مش هايخدك معاه للجنة
بالشكل ده نهايته جهنم
عشان تجري ورا العشم
اللى آخره كلها شر
ولا يوم كان فيه خير
حبي ربك تكسبي آخرتك
ومعاها برضو دنيتـــك
عشان الحب بالشكل ده خسارة
ولقلبك وروحك أكبر جريمة
ترتكبيها في حق الجميلة
اللى خلقها ربنا قويـــة
في عز الضعف صامدة
قدام الخوف مطمنــة
وفي ربها واثقة ومتيقنة
أنه اللى بيحب بيضحي
ولا يقدر في يوم يؤذي
القلب اللى حابه وشاري
ولا في يوم بايع وناسي
أن ربنا علينا مطلع وشايف
بيحبها وعلشانها خايف
ربنا يبعده عنها لو خالف
حدود ربنا ويتحدى الظروف
بس عشان تكون حلاله
ومعاها يعيش أحلى أيامه .
المزيد
يـا مـن سـكـنـتَ الـقـلـبَ عـشـقًا نـافـذًا بقلم أحمد علي سمعول
لا تنهي حياتك بيدك بقلم عبير عبد المجيد الخبيري
«عندما يصبح الوصال ذكرى بقلم أمل اسماعيل احمد احمد