بسألك

 

كتب: الشاعر عاطف محمد

ليه تدورى

ف حلقه دايره

البداية فيها ضاعت

اخرجي من دايرتك

قبل مايفوت الآوان

قبل مايضيع اللي كان

قبل ما يهل الخريف

والشجر تدبل غصونه

تنكسر ويا الغروب

والطيور تهجر مكانها

ترتحل لجل إن تلاقي

الحياه مع صبح تاني

اسبقي هجر الطيور

خطي فوق سد الغرور

حطمي ليل النهار

اهدمي أعلى جدار

يفرق الأحلام ف قلبك

اللى تاهت ف الغروب

افردي قلبك جناح

واعزفي وتر الرياح

افرضي لحنك وعزفه

اندهي خلك لعشه

رغبيه لجل إن يعود

ملكيه قلبك وفكرك

رفرفي بجناح موده

ضللي أرض الخريف

واجمعى ورق المحبه

رصصيه واحده واحده

اسقي لبلاب الهوى

من شايف ندهتك

ماتسبيش الريح

تضيع غنوتك

ماتكونيش أنت وبس

خلي احساسك يحس

بالحياه …واللي فيها

اندهيها

قبل ماتفوتك وتجري

أنت حره

دي نصيحتي

بس أخر مره أقولها

اخرجي…… من دايرتك

 

عن المؤلف