قلب شارد

كتب: الشاعر عاطف محمد

 

ألتقيته مره شارد

قلب متحجر وبارد

حالته صعبه

وحجمه مارد

رحت شده بحبل ود

قولت أشوف حالته بجد

بس عصلج منى حبه

شوفت فيه ظلم الأحبه

شوفت كسره بشكل واضح

ألتقيت نبضه

بيبكي

لاء بيصرخ بعلو صوته

نبض بيقول اتظلمت

قولت طب أهدى وروق

قولت أقوله كلام مزوق

بصيت له بصة ألف حب

أحكي مين ظلمك ياقلب

بص بصه من وريده

قال كتير

حبيت كلامهم

واتخدعت بنور سلامهم

وألتقيت منهم خيانه

باعوا فيَّا

واشتروا كل اللي باعهم

قولت أبعد

قولت أشرد

قولت أعيش وسط الجبال

أبقى متحجر وساكت

ليه عايزني أدق تاني

مش كفاية الشوق قتلني

والخيانة مزعت

حبي وكياني

ألتقيت الحق عنده

رحت فاكك حبل شده

ومشيت فى صمت…..

عن المؤلف