من قلبي كتبتلك

Img 20230219 Wa0054

كتبت: فاطمة الزهراء سعد “فاطم”

 

 

بُعدك قاسي

وأنا روحي تعبت كتير

قولتلي راجع

بدل أيام مرت سنين

روحي في البُعد باشت

وقلبي داب من كتر الحنين

نفسي أقولك وحشني صوتك

أو نفسي نتكلم

أو نفسي أسمع بس كلمة يلا نرجع أو أنك حاسس بشوية حنين

بس أعمل أي؟

كرامتي متسمحليش يا سعاة البيه

بس معايا ورقي وقلمي وتمانية وعشرين حرف

اجمعهم في كلام وجُمل يمكن ميخونيش التعبير أو الوصف

وحشتني

نفسي نرجع

أنا بقيالك

انا مش قادرة أنسى

وعودك فين راحت

معقولة كل العهود غابت؟

وحشتني وأنا لسه على العهد

مكانك فاضي

كأنه صابته لعنة مش راضي ياخده حد

أنا وحيدة في بُعدك

مش عايزة حد أنا بعدك

القلب بيك لسه مُتيم وبهواك ولهان

أرجع تاني خليني أحس بأمان

من قلبي كتبتلك إن في بُعدك مستحيل الدار تصبح أمان.

 

 

عن المؤلف