غلطة

Img 20230306 Wa0009

كتبت : فاطمة الزهراء سعد

 

 

محتاجه الشات اللي كان بينا 

محتاجه كلامنا أسرارنا 

محتاجه جملة أنا جنبك 

أزاي في شيء يفرقنا 

دا أنا كنت عاشقة عنيك 

وروحي تايهة في ملامحك 

كلامك ضحكتك صوتك 

دا حتي زعيقك في وقت خناقنا 

وحشتني أيوا أنا حنيت 

فينك دا أنت حلفتلي إنك هتكونلي بيت 

شهر 12 أهو جه 

مش دا كان الوعد اللي بينا؟ 

طب فينك؟ 

كان زماني لابسه دبلتك و أقولك أنا أهو ملكك و مش هكون لغيرك 

كنت هحضنك وأبكي من شوقي 

دلوقتي ببكي من وجعك 

مشيت وجرحت وخلفت بالوعد اللي كان بينا 

دموعي مش قادرة اوقفها 

دا روحي تايهة في بُعدك 

مش قادره أتعافى أنا بعدك 

بكتبلك و دمعي على خدي 

بخاف أمي لتشوفني 

و تسألني 

دموعك دي على مين؟ وفريها لحد يستاهل دا أنتي مرغوبة من سيد الرجال و أنتي قلبك وقع في حب واحد جاهل 

مقدركيش محبكيش و كمان خانك 

حرام عليكِ شبابك دا أنتي لسه زي الورد 

ارحمي عيونك دا بتعيط بدل الدموع دم 

من كتر عياطك دموعك خلصت 

كفايه أنسي ولا كأن حاجه حصلت 

وأكيد همسح دموعي وأبان قوية وصامدة من برا 

لكن من جوايا نفسي أقولك واحشني يجي ألفين  ومِيت مرة

يا غايب ليك من قلبي السلام و عايزة اقولك إني مسمحاك على وجعك و على جرحك لقلبي و بس مش قادرة أسامح على البُعد اللي خلاني كل يوم أحس إني ميته من غيرك 

أرجع 

أرجع ولو مرة وخدني بالحضن 

يخربيته حبي لأمانك اللي خلاني مشوفش حد 

حتى كرامتي بعتها 

وروحي يوم فراقك سبتها تروح وياك 

هتيجي و تقولي مشتاق 

هجري على حضنك 

بس هقولك أبعد عني أنا مش راجعة أخرج من حياتي بلا رجعه 

يا خاين يا سايب يا ناقض العهد. 

 

 

عن المؤلف