كتبت بقلمي

كتبت : زينب إبراهيم” شاعرة الأمل” 

 

قالولي أكتبي

 قولت هاكتب بقلمي 

هاكتب من كل قلبي 

عن كل اللي وعد وخلف 

ومشي ورا سكت الظروف 

عن كل اللى وجعني 

وهو أصلاً مش فارق معاهم

عن كل دمعة نزلت من عيني

ولا شافوا ولا حسو أصلاً هم

عن إيه ولا إيه راح أكتب 

عن الجروح اللى ماليه القلب 

ولا عن كلمة إسمها الحب 

كله بيلعب بيها علينا 

ومش فارق معاهم قلوبنا 

هم أقرب حد مننا ولينا 

كسروا عادي خاطرنا 

ولا شافوا في يوم دموعنا 

عن صاحب فاكرة من الصحاب 

أول ما احتجت ليه قفل الباب

كان أول اللى باعني في الطريق 

وأنا اللى كنت بقوله صديق 

رامني في سكة الضيق 

وعرفني معني كلمة الفراق 

هي مش بتتقال للأصدقاء 

دي بقت بتجي من الأقرباء 

وهم في الأصل كانوا غرباء 

وعاملين نفسهم أبرياء 

أكتب عن حبي اللى ضاع 

ولا الحبيب اللى باع 

عن عيون ماليها الدموع 

وروح ماليانه أوجاع 

بتشكي بس لربنا وحده 

هو اللى عارف حال قلبه 

الحبر في قلمي خلص 

وفي قلبي الألم زاد ولا خلص 

بقول يجي بكره أحلى من النهاردة

يجي اليوم يكون أصعب من اللى فات

أقول أنا حربي خلصت ألاقي المعركة 

ليه في بدايتها مع الأيام ولا اللى جات 

الدنيا هي اللى صعبة ولا الحياة 

الناس بتخلي الأيام بعد ما كانت حلوة 

تتقلب فجأة من غير مقدمات مره 

ولسه الأيام بتديني ورق والحبر مفيش 

عشان الناس بتتغير كل شوية الوشوش 

وادينا ماشين مع الناس والوشوش 

 

عن المؤلف