الشاعر: إسلام السيد حجازي
إلى كل من فقد نعمة وجود الأب
بتوحشني وحنيني يزيد
فراقك عني دا كسرني
بموت بعدك ببطء شديد
وحزني ملكني واسرني
جه اليوم تبقي عني بعيد
علي البعد يارب قدرني
ابويا وضهري واماني
ف بُعدك حاجه نقصاني
انا ادفع عمري وحياتي
واشوفك تاني لثواني
كلامك لسا ف وداني
طب اي ياحج
صورتك طيف ف وجداني
ومتحاوط بعزوه وناس
لكني برضو وحداني
بتوحشني وبسرح فيك
وروحي تسيبني وتجيلك
بجد يا ابويا محتاج ليك
تاخدني ف حضنك احكيلك
تطمني يا ابويا عليك
تصبرني على رحيلك
وحشني حضنك الدافي
وطبطبتك علي كتافي
وضحكه حب في عيونك
تداوي الجرح وتعافي
ابويا ياجنه ف الدنيا
ياعكازي اللي مسنود بيه
تعالي ف حضني لو ثانيه
دا حضنك فين الاقي بعديه
ياغالي عليا بكفايه
هزار بُعدك هيقلب جد
يا اكبر حب جوايا
مفيش ف حياتي بعدك حد
ياريت ترجع ف اقرب وقت
عشان عطشان سماع صوتك
دا انا والله ما صدقت
اشيل من عقلي فكره موتك….
المزيد
معارضة بقلم إيمان مؤمن
حبيبة قلبي الراحلة بقلم إيمان مؤمن عبد العليم
أربع ساعات بقلم إيمان مؤمن عبدالعليم