الشاعر: عاطف محمد
ناس بت….هيص
وناس بت….. لوك
جوه ف مولد
الفيس…. بوك …
مليون ألف قناع …وقناع
واحد شاري وخمسين …. باع
طبل وزمر ودوشه….. ورقص
ناس بتعاني مركب…… نقص
وكمان فيه
مخاليق بتحس
عارفه واجبها
ودورها و……بس
فيه بيعلم….. وبيتعلم
واللي كلامهم سهم ….. بيألم
واللي سطورهم رأى…… بيسعد
واللي مالوش لازمه طوالي
فيه التافه واللي أناني
وقليل لمَّا تلاقي مثالي
أو بيساند أيها….. غالي
وكتير تلقى
أطرش ف …..الزفه
تلقاه مره معاك عنتيل
وفي… مرات تلقاه برميل
بيعبوه ف رايات للزفه
يرفع فيها الكداب فوق
ويقولك أنا واخد لفه
واللي كلامه يجيبلك ….هفه
وكتير تلقى بوست…. خرافه
كاتبه صاحبه بكل …. نضافه
حكمة بوسته تعلم…. جيل
نبع البوست جميل وأصيل
بس تلاقي بوست يجرك
ع الإفساد تلاقيه بيدلك
والله بينشر صور….. الخلق
عيبها نشوفه تدعي ….. بحرق
اللي أتصور واللى يصور
نفس النوع ….
بياع جمله ….صور….. قطاعي
ومافيش فيها….. أى كياسة
صفحات علم وذوق وسياسة
بس قصادها معارض لحم
لحم رخيص محتاج الدبح
تلقى الأغرب شيل البوست
أصله انتهك المعايير حالًا
تضرب كف وفوقه الكف
لحم بيعرض احذف حذف
مش عارفين…..
مين الصح ومين اتهف
صفحات ياما كلامها شايلها
صفحه تلاقى الحق زاينها
بس الأغرب صورة تشينها
وإللى يقولك……. أنا دكتور
واخد ف الدكتره….. شهادات
ليا ف كل مكان ….علا…..مات
بس واخدهم من ……. بير سلم
وبيتمنظر وبي…تكلم
وبيتساوى مع إللى اتعلم
طفح الكوته عشان مايكون
يبقى علامة ف ….قلب الكون
ارحموا بقى يااخونا عقولنا
ماتصدقش الكدبه يا …..دك
وارحم أهل…. الفيس …. بوك
.الصفحات اسم الله …عليها
من….. أعين الناس…. حواليها
صفحة تقدم …….خير للناس
غيرها كلامها…. نور وناس
صفحة تملي…. كتير… قلابه
مع من يغلب جوه….. الغابة
ودفاع عن مخاليق….. كدابة
عاملين شهدا وهما …..ديابه
واللي بينشر اشتغالات
واللي يقولك عبي… وهات
ويمسمر فينا…. بمسامير
واللي مُصر نكون…. طراطير
وعاملنا للحسنه …..سفير
ناشر كل نوايا… الحق
وهو بيخنق حق…. الخلق
واللي بيسرق….. إبداع ناس
ويبان جان ……..قدام الناس
واللي يجرك للاعجاب
شارك صفحة عم دياب
وكمان صفحة نحن سراب
علق واكتب كومنتات
واللي بينشر ف الأكاذيب
له زمامير بتقولك…..بيب
و الزمامير محتاجه الطبل
واللي يطبل يبقى حبيب
واللي يشخلل بالشخاليل
واللي يخلخل بالخلاخيل
واللي عماه….. لبس الهلاهيل
واللي جزيرته بقت صفافير
فيها عرايس خيط …… تتحرك
بقى طرطور ضمن…. الطراطير
نحن سنحرق نحن سنقتل
تقتل مين يا ابن المجانين
دول من ناسك دول من أهلك
خيبتك وصلت للبراميل
وبيعملوا مزدادت…. على خيبتك
تلقى الهبل بيشتروا فيها
ويحطوها ف …. الحمام
ويشدوا ١٠٠ ألف سيفون
خلو الوعى سراج يهديكم
ويعرفكم مين ….. يحميكم
مش عايزين نونوه ولا نبح
ولا مأمأه وخروف للدبح
عايزين يبقى الفيس للصبح
خير بينور غيط القمح
اللي مأيد ينشر صح
واللي معارض يذكر رأى
مهما هايحصل أحنا لبعض
حان الآن……. تصحيح الوضع
عن المؤلف
المزيد من الأخبار
ملهمتي
إرادة الأبطال
صديقة العمر