هاتلي يا زمن

كتبت : زينب إبراهيم” شاعرة الأمل” 

 

هاتلي يا زمن ناس مش بتكدب 

وناس مش بتعرف توجع القلب 

هاتلي ناس باقية على الوعد 

ومش بتعرف في يوم البعد 

هاتلي كلمة حلوة في عز الخوف 

ومش في وقت الجد تظهر الظروف 

هاتلي فرحة طالعة من القلب 

وبسمة على الوش من الحب 

هاتلي ناس عارفه قيمة الناس 

وشيفاهم دائما زي الألماس 

بتحس بوجعهم من غير ما تقول 

شايفه فيهم على طول الجمال 

شايفه جمال القلب قبل الشكل 

بيحبوا بدون تمن ولا حتى مقابل 

هاتلي دوا لكل جرح من الزمان 

هاتلي شفا لتعب القلب والمكان 

اللى بقا ماليان ذكريات صعبة 

وعمر الوقت ما نسانا ولا سهلة 

تتنسي يا زمن ماليان قسوة

ولا هي الناس اللى بقت جارحة 

لكل حاجة حتى في النفس 

بتسيب بصمة من غير إحساس 

فيه ناس بتبين حبها لكل حد 

ومش بتعرف أبدًا توجع بجد 

كل حاجة بقت في الدنيا بتمن

حتي مشاعر الناس بقت بتمن

مايعرفوش غير المصالح 

ولا يعرفوا يوم التصالح 

الكلمة الحلوة بقت زي العيد 

مش بنشوفها إلا مرة من بعيد 

يا قلب ماليان دموع وجروح 

بكره يا قلبي تروق وتروح 

كل حاجه كانت بتوجعك 

وكل مره فيها تنزل دموعك 

كل ده هيتنسي وبكره تشوف 

لما تجي تقولي نسيت الخوف 

ويرجع تاني من جديد قلبك يدق 

ومعاه تاني كل الحب والصديق 

وأرجع اقول شفت يا زمن 

رجعت كل حاجه حتى المكان 

بقى ماليان ضحكة وفرحة 

مش ماليان جحود وقسوة 

ولا عرف معنى الدموع 

عشان نسى طعم الأوجاع .

عن المؤلف