حلمي البسيط

 (1)

كتبت : زينب إبراهيم” شاعرة الأمل” 

 

بنت عادية صحيت من نومي 

كنت بحلم حلم جميل وقمت 

لقيت الحلم بقي كابوسي 

مع ناس مش عارفه ولفيت 

على ناس تقدر حتى الخوف 

اللى ساكن معايا من صغري 

مالقيتش فيهم واحد رءوف

يقولولي ده مش لعبه هتشبطي

قولتهم حلمي ده مش لعبة 

هو صحيح حلم بس هيجي 

اليوم اللى يطلع للنور ويبقي حقيقة

في وسط كل دول طلع حد يسمعني 

في حزني بيواسي ويطبب

ويقولي أن حلمك مش خيالي 

ولا لعبة زي ما بيقولوا حب 

اتولد جوايا نحيتها هي من صغري 

فهماني ودائمًا جنبي ومعايا 

لما يجرحوني هي بدواي 

لما يزعلوني هي بتصالح 

ماتعرفش معنى المصالح 

بس تعرف معنى إيه تدفيني 

وقت البرد لما يجي لما 

الحزن يحاول يجي تمشي 

وتقوله أبعد عن قلبي لما 

أنا أبكي الاقيها تمسح دمعي 

هي أمي اللى كله سابني 

هي معايا بتحبني من صغري 

من غير ما تستني مني شكر 

اللى بتقول كلام حلو زي السكر 

هي اللى وقفت جنبي للآخر 

وقالت لي حلمك حقيقة يا قمر

اوعي في يوم تيأسي يا حبيبتي

لسه العمر قدامك يا صغيرتي

وحلمك معاكي هيكون حقيقة

مش كلام في بالك يا جميلة 

 

عن المؤلف