قولتلي

كتبت:فاطمة الزهراء سعد سيد 

 

قولتلي إستنيني وللأسف غيابك طال

بحطلك بدل العذر مليار

بس عقلي هينفجر من الأفكار

ليه إتأخر

يمكن نسي أو أساسًا مش جاي

دا إحنا إتفقنا مع بعض إزاي هنربي الولاد

هنعلمهم ونخليهم من أسياد البلاد

جاي دلوقتي تقولي في الغُربة قلبك مال

طيب وأنا اللي ضاع العُمر وأنا بستناك؟!

بس معاك حق والحمدلله

إنك مجيتش ولا بقيت أب للولاد

كُنا هنربيهم إزاي وأنا وأنت أتكلمنا في الحرام وتحت مسمى الإرتباط؟

لكن دلوقتي هعود لمولاي وأستنى اللي يخليني غالية في عيني وعيون الناس.