وحشتيني

كتبت: آلاء فؤاد

 

كنت هموت وهكلمها

مهي بردو كانت عشرة

بس هي لي سابت وفارقت

من غير ولا كلمة

حبيتها حب كبير

بس هي رفضت النعمة

كلمة أختي كانت على لساني

وهي بردو كانت دايما تقولها

مش عارفة أنساكِ خالص

يا أكتر صديقة حبيتها

بتفرج على صورنا وأنتِ ف حضني

والضحكة مش مفارقة وشوشنا

مرة واحدة أختفيتِ

وسيبتيني أتفرج على ذكرياتنا

مجرد صور أشوفها وأبكي

وأنتِ أصلا ف دنيا تانية

كنتِ دايما تقوليلي يا أغلى صديقة ليا

طب فين حبك ووعدك ليا

مع خطوة جديدة في حياتك

سبتيني وجريتي عليها هيَّ

يبنتي والله وحشتيني

نفسي تقدري الكلمة ديَّ.