اصحابي يا ناس جدعان
د. عبير عبد المجيد الخبيري
ليا صحاب يا ناس جدعان
وقت الشدة الكل يبان
اللي تمسح لي دموعي
واللي تداوي جروحي
واللي ترد على الجبان
واقفين في ضهري كالجبال
ساعة ما أصرخ وأقول آه يا أنا
ييجوا بسرعة وفي الحال
اللي تقول لي قومي بسرعة
انتي قوية وكل شيء له أوان
اللي تقول لي ردي عليهم
بس ردك بالأفعال
اللي تقول لي عارفة نجاحك
بيغيظ قلوبهم دول عيال
غني سؤالك ريحي بالك
أوعي قلبك يكون حيران
اللي تقول لي سيبك منهم
دول مالهمش أمان
مهما قولت عليهم ياما
هم هدية من الرحمن
عزوتي وخواتي وسندي
ما يسيبونيش للأندال
وقت فرحي ديما جنبي
دي فرحتهم فرحة زمان
لو غبت عنهم ثواني
يفتشوا في كل مكان
ليهم حكمة في الأقوال
قلبهم مليان حنان
عمرهم ما قالوا مالنا
ولا سابوني مع الأحزان
ولا يوم حسبوا الجمايل
اللي بينا مش كلام
اللي بينا عشرة جميلة
أصلهم ولاد حلال
وجودهم في حياتي
بيخلي قلبي هو كسبان
مهما كان بينا مسافات
بيقطعوها ويجوا طيران
الحدود موش بتبعدنا
مع بعض في كل الأحوال
اللي يفكر يدخل بينا
هيكون هو الخسران
هم أصلا وردة بيضة
تبسط القلب زهقان
ربنا يدومهم عليا
الحنية لهم عنوان
ربنا يبارك فيهم
ويحفظهم من الزعلان
ويفضل قلبهم فرحان
خلي الخير يارب طريقهم
وزدهم فضل كمان وكمان
والله صحابي يا ناس جدعان
المزيد
عندما اصبح جزء مني بقلم خنساء الهادي
الحلقة الثالثة: من يدفع ثمن التفاهم؟بقلم الكاتب هاني الميهى
جراح غيابك بقلم سمية عمر عكاشة