بإسمك انت يا محروسة
د. عبير عبد المجيد الخبيري
عبرنا والله وعدينا
كتبنا تاريخنا بأيدينا
ورفعنا رايتنا باسامينا
بنور الفجر واهالينا
ورب العزة يكفينا
ساعة ما عدوا المركب
خطواتنا ثابتة ومدروسة
مراكب سايرة وكمان رايحة
والموج يغني اغنية
عمر حقوقنا ما منسية
مصر دي دايما حرة
وجنودها ما بتخافش بالمرة
واللي زرع ارضه بذرة
هيحصد فرحته بكره
والخط اللي قاله اسطوره
اتحطم وشوفوا الصوره
جنود الله اكبر ثوره
وصوتهم يعلى وله نبره
النصر يغزل لك طرحه
مليانه لك عزه وفرحه
ده رمل سينا كمان يشهد
بدم الشهدا منصورة
أكتوبر فينا محفور
بنور ولادك مشهور
طلبت جيشك اهو جالك
يا أم الدنيا يا محفوظة
وقناتك جوانا مغروسة
والضفة واضحة ومنصوصة
وفي قلب الكل ملموسة
وفي دم أبطالك مرصوصة
دي راية النصر منقوشة
باسمك إنتِ يا محروسة
بإسمك انت يا محروسة بقلم عبير عبد المجيد الخبيري
المزيد
الصبر و الحق بقلم د. عبير عبد المجيد الخبيري
هات لي قلب بقلم د. عبير عبد المجيد الخبيري
دَرْبُ المَعَالِي بقلم عبير عبد المجيد الخبيري