مجلة ايفرست الادبيةpng
ﺟﺎﺭ ﺍﻟﺘﺤﻤﻴﻞ ...

مجلة ايفرست

مجلة ايفرست الأدبية

طالب ثانوية بقلم اماني منتصر السيد

يا طالب ثانوية
بقلم اماني منتصر السيد

متزعلش لو الحلم يوم اتأخر،
يمكن رب الخير شايل لك رزق أكبر وأجمل وآخر.

في ناس كانت نفسها تدخل كلية، والقلب كان بيتمناها،
لكن النصيب جه في طريق تاني، وربنا هو اللي اختار لها.

متقولش ضاع حلمي، ولا إن التعب راح هدر،
ربنا ما بيكتبش لعباده إلا الخير، حتى لو إحنا مش شايفينه من بدر.

خليها على الله، وارضى بحكمه الجميل،
بكرة هتعرف إن اختياره كان ليك أحسن دليل.

يمكن باب اتقفل علشان ألف باب يتفتح قدامك،
ويمكن الخير كله مستنيك في مكان غير أحلامك.

متقيسش نجاحك باسم كلية ولا بمجموع في ورقة،
النجاح إنك ترضى وتسعى، وربنا يكتب لك البركة.

ارفع راسك وابتسم، وخلي الأمل دايمًا عنوان،
فرب الخير لا يأتي إلا بالخير، مهما طال الزمان.

خليها على الله، فالله لا يمنع عنك شيئًا إلا ليعطيك ما هو خير لك.